11 May 2015
18:11 - ЕИнинг Ўзбекистондаги элчиси Юрий Штерк Ташқи ишлар вазирлигида қабул қилинди
Бугун Ўзбекистон Ташқи ишлар вазирлигида Европа Иттифоқининг Ўзбекистондаги делегацияси раҳбари, элчи Юрий Штерк билан учрашув бўлиб ўтгани хусусида вазирлик матбуот хизмати хабар қилди. Вазирликнинг 4 қаторлик хабарида икки томонлама муносабатларнин долзарб масалалари ҳамда Ўзбекистон – ЕИ Ҳамкорлик кенгашининг Брюссел шаҳридаги бўлажак йиғилишига тайёргарлик жараёни муҳокама қилингани айтилади.

Оммавий ахборот воситаларида Европа Иттифоқи ва АҚШ мулозимлари билан учрашувларнинг узлуксиз ёритилаётганига қараганда, Ўзбекистон Кремль билан бузилаётган алоқалардан сўнг демократик Ғарб билан интеграцияни кучайтиришга ҳаракат қилаётгандек кўринмоқда. Аммо интеграциялар жараёнида ҳам демократик Ғарб барибир инсон ҳуқуқлари ва демократия талаб қилади. Буни Ислом Карим тушунмаслиги мумкин эмас, демак, ҳозирги босқичда, Ўзбекистон Россиядан юз ўгириб, Ғарб тарафига бурилаётгани ҳақида гап ҳам бўлиши мумкин эмас.
« Олдинги хабар Хабарлар рўйхати Кейинги хабар »