20 November 2004
04:00 - 22:00 - Сенсация: «Эрк» фаоли депутатликка расман номзод бўлди
22:00 - Сенсация: «Эрк» фаоли депутатликка расман номзод бўлди

Бугун Тошкентдаги мухбирлик бюромизга кўнгирок килган «Эрк» демократик партияси Марказий кенгаши котиби, Ўзбекистон Олий Кенгаши (хозирги Олий Мажлис) собик депутати Инъомжон Турсунов Олий Мажлиснинг Конунчилик палатаси депутатлигига номзод сифатида рўйхатга олинганини маълум килди.

Унинг айтишича, 110 000 дан кўпрок сайловчига эга бўлган 54-Чимён сайлов округи комиссиясига дастлаб 300 нафар кишидан иборат Ташаббус гурухи аъзолари мурожаат килиб, унинг номзодини илгари сурганлар. Мазкур жараённинг иккинчи боскичи, яъни сайловчиларнинг 8 фоиз имзосини тўплаш хам конунда белгиланган тартибда амалга оширилиб, 9 008 имзо йигиб топширилган. Шундан сўнг Фаргона вилоят 54-Чимён сайлов округи сайлов комиссияси раиси, Фаргона университети ректори Рустам Тожиев Иномжон Турсуновга Номзодлик мандатини топширган.

Бирор кор-хол рўй бермаса, дейди мухбиримиз, эрта-индин матбуотда Марказий сайлов комиссияси томонидан эълон килинадиган номзодлар руйхатида «Эрк» фаолининг исми-шарифи хам кўриниб колиши мумкин.
« Олдинги хабар Хабарлар рўйхати Кейинги хабар »