09 December 2014
19:44 - Россия ҳукумати Ўзбекистондан қарзини ундирмоқчи
Россия Президенти Владимир Путиннинг Тошкентга эртанги ташрифи олдидан унинг ёрдамчиси Юрий Ушаковнинг матбуотга етказган хабари шов-шув бўлиб кетди. Ушаковга кўра, Путиннинг Ўзбекистонга ташрифининг етакчи мавзуларидан бири мамлакатимиздан Россиянинг эски қарзларини ундириш масаласи экан. Ушаковга кўра, жорий йилнинг ноябригача Ўзбекистоннинг Россияга қайтариш муддати ўтиб кетган қарзи қарийб 890 миллион долларга тенг.

Путиннинг эртанги сафари давомида иқтисодий ҳамкорликни ривожлантириш юзасидан навбатдаги 5 йилга мўлжалланган келишув имзоланиши режалаштирилган ва бундай келишув Ислом Каримнинг илтимосидир. Ўрислар бу ҳақда очиқ гапиришмоқда. Учрашувларда стратегик шерикликнинг аҳволи ҳам муҳокама қилинади, бу ҳам Ўзбекистон томонининг ташаббусларидан биридир.
« Олдинги хабар Хабарлар рўйхати Кейинги хабар »