29 July 2014
20:17 - Памела Спратлен АҚШнинг Ўзбекистондаги элчиси этиб тайинланиши мумкин
Кеча АҚШ ҳукумати Сенатга Ўзбекистондаги элчи лавозимига номзод тақдим этилгани ҳақида хбар қилди. Бу шахс АҚШнинг Қирғизиситондаги дипломатик миссиясига раҳбарлик қилиб келааётган Памела Спратлендир. Бу аёл 2011 йилдан шу кунга қадар АҚШнинг Қирғизистондаги элчисидир.

АҚШнинг Ўзбекистондаги элчиси Жорж Крол эса бир неча кун аввал Ўзбекистоонни тарк этди ва унинг Қозоғистонда элчилик қилиши кутилмоқда.

Памела Спратлен узоқ йиллардан бери постсовет ҳудудида фаолият юритади. У 2000-2004 йилларда АҚШнинг Россиядаги элчихонасида дипломатик лавозимларда ишлаган, Қозоғистондаги АҚШ элчиси ўринбосари ҳам бўлган.

Эслатиб ўтамиз, Памела Спратлен Қирғизистон жанубидаги 2010 йил июнь воқеалари бўйича айбланиб, бутун умр озодликдан маҳрум қилинган ўзбек ҳуқуқ ҳимоячиси Азимжон Асқаров билан 2012 йил 22 февралда қамоқхонада учрашгании ва ҳақиқий демократлигини кўрсатгани ҳақида “Ҳаракат” Агентлиги ҳам хабар берганди.
« Олдинги хабар Хабарлар рўйхати Кейинги хабар »