02 July 2014
16:27 - Янги очилган Қозоғистон Миллий Музейи дунёнинг ўнталигига кириб бўлди
Бугун Остонада Президент Нурсултон Назарбой иштирокида Қозоғистон Республикаси Миллий Музейининг янги биноси тантанали равишда очилди. Қозоқларнинг расмий хабарларида бу музейнинг Марказий Осиёда ўхшаши йўқлиги алоҳида урғуланади. 74 минг квадрат метрлик бинода қозоқларнинг узоқ ўтмишдан бу кунларигача бўлган тарихи ва маданиятига оид ёдгорликлар жой олади.

Музейда қуйидаги заллар бор – Остона зали, Мустақил Қозоғистон зали, Олтин зали, Узоқ ўтмиш ва ўрта асрлар тарихи зали, Тарих зали, Этнография зали, Замонавий санъат зали.

Нурсултон Назарбой ўз нутқида бу музей архитектура масштаблари билан дунёнинг Эрмитаж, Лувр каби музейлар ўнталигига кирганини айтиб ўтишни унутмади.

Табиий, дейди мухбиримиз, қозоқлар бу музейни унга қўйиладиган ёдгорлик ва турли экспонатлар нуқтаи назаридан ҳам ўша ўнталик даражасига олиб чиқа олишларига шубҳа бор.
« Олдинги хабар Хабарлар рўйхати Кейинги хабар »