29 May 2014
18:37 - Евросиё Иқтисодий Иттифоқи тузиш ҳақида Шартнома имзоланди
Бугун Остонада Россия, Қозоғистон ва Белорусия президентлари Владимир Путин, Нурсултон Назарбой ва Александр Лукашенко Евросиё Иқтисодий Иттифоқи (ЕОИИ) тузиш ҳақида Шартнома имзоладилар. Уччала президент бу ҳужжатнинг имзоланиши евросиё майдонида интеграцион жараёнларнинг сифати билан юқори даражада бошланишининг белгиси эканлигини айтишибди.

Нурсултон Назабой тузилаётган ЕОИИ Европа билан ўсиб бораётган Осиё ўртасида ишончли кўприк бўлишини, ЕОИИга кирувчи мамлакатларда дунёнинг текширилган табиий бойликларининг сал кам чораги борлигини, уларнинг қиймати 40 триллион долларгача етишини урғулаб, 29 майни Евросиё Интеграция Куни деб эълон қилишни ҳам таклиф қилишга улгурибди.

Агарда ЕОИИ лойиҳаси тўла амалга оширилса, бу минтақаларда катта ривожланишлар бўлиши муқаррар, дейди мухбиримиз. Аммо, лойиҳа тўла ишга тушоладими? Бу ерда катта муаммолар кўп эди, ҳозир яна битаси қўшилмоқда. Бу – Ғарбнинг Украинадаги воқелар туфайли Россияга қарши киритаётган санкциялари. Бу санкциялар бутун ЕОИИни уриши ўз-ўзидан маълум. Қолверса, Ўзбекистоннинг иштирокисиз бу минтақаларда катта интеграцион ишлар қилиш қийин бўлади.

Ҳа, айтгандай, Шартнома 2015 йил йилдан кучга киради. Уч мамлакат ўша пайтгача уни ратификация қилиши керак.
« Олдинги хабар Хабарлар рўйхати Кейинги хабар »