Nikkei Asian Review агентлигининг билдиришича, Япония Россиянинг Қрим ишларига аралашиши туфайли, унга қарши санкциялар киритишни ўйлаётган эмиш. Япония ҳукумати Ташқи Ишлар вазилиргига киритилиши мумкин бўлган санкцияларларни вариантларини тайёрлаб қўйишни топширибди.

Аслида, шунинг ўзи катта прогресс. Чунки, шу пайтгача Япониянинг русларга қарши бирон нарса қилиш нияти йўқ эди. Японлар Россия билан Курил оролларини талашаётганлари учун, бу босқичда руслар билан алоқалар ёмонлашишини истамаётганларини гапириб келишарди.

Японлар ақлли халқ. Аммо, Курил масаласида улар ақлларини яхши ишлатмаётганларини тан олиш керак. Наҳотки, улар тушунмайдиларки, Россия ҳеч қачон музокаралар натижасида Курил оролларини Японияга қайтармайди. Руслар билан музокараларни давом эттириш билан бир қаторда, Япония яна бошқа нарсалар ҳам қилиши керак.

Масалан, Гуржистоннинг Абхазия ва Жанубий Осетия масаласидаги Россия билан қарама-қаршилигида очиқча Гуржистон, ҳозир Қрим масаласидаги жанжалда Украина тарафида бўлиши керак.

Японларга Абдураҳим Пўлатнинг 2008 йили “Ҳаракат” журналида ўзбек тилида, русларнинг Сentrasia.ru ва гуржиларнинг Грузия-Online cайтларида рус тилида эълон қилинган “Кенигсберг-Курил муаммолари ва Россия-Гуржистон уруши” номли мақоласини ўқишни тавсия этиш лозим:

http://www.harakat.net/harakat/?id=826