Тошкент вақти - 
28 February 2014
20:25 -
Бош прокуратурада масхарабозлик: Прокуратура ишини ёритадиган журналистлар учун семинар-тренинг ўтказилибди, нега у ерда “Ҳаракат” мухбири йўқ?
Ўзбекистон Бош прокуратурасининг Қонунчиликни пропаганда қилиш бўлими Европа Иттифоқининг “Ўзбекистонда суд-ҳуқуқий реформа” лойиҳаси доирасида “Прокуратура органларининг фаолиятида оммавий ахборот воситаларини роли” номли семинар-тренинг ўтказибди.Семинарда Буюкбритания ва Австрилик экспертлар дарс беришибди, семинар қатнашчиларига сертификат топширилибди.
Табиий, сарлавҳадаги “масхарабозлик” сўзи ЕИга ҳам оид. Маълумки, айнан бизнинг сайтимизда демократик жараёнларни тезлаштириш учун Ўзбекистонни дунёдан изоляция қилиш эмас, том аксинча, уни биринчи навбатда Ғарбга интеграция қилиш кераклиги доим гапириб келинади. Шу мантиқдан келиб чиқилса, қуйидаги саволлар чиқиши табиий: “Нега биз ЕИни ҳам масхарабозликда айбламоқдамиз?” ёки “ЕИ вакиллари, балки, соддалик билан, шу каби семинар-тренинглар қорамолга айланга ўзбек журналистларини секин-аста ақл ишлатишга ўргатади, деб ўйламадиларми?”.
Йўқ, деймиз биз, бундай тадбирларнинг ҳеч қандай фойдаси йўқ. Эслатиб ўтиш керакки, “Бирлик” Партияси 2006 йили ЕИга Ўзбекистонни Ғарбдан изолция қилиш эмас, интеграция қилш самаралироқ эканлиги хусусидаги таклифини берар экан, демократия учун курашаётган мухолифатни унутмасликни, унга ёрдам бериш кераклигини ҳам эслатган эди.
ЕИнинг ташқи ишлар вазири деса бўладиган мулозими, яъни, Хавьер Солана бу таклифни қўллаб-қувватлашини ўз маслаҳатчисининг “Бирлик” лидери Абдураҳим Пўлатга ёзган матубида билдирган эди.
Шундай экан, ЕИнинг лойиҳаси, демак, унинг молиявий ёрдами билан ўтказилган бу семинар-тренингга “Ҳаракат” мухбирларини ҳам таклиф қилиш, ўша тадбирда уларга ҳам сўз бериши керак эди. Ана ўшандагина ўзбек журалистларининг кўзи бироз бўлса ҳам очилаган бўларди.
“Ҳаракат” Агентлиги Ўзбекистонда рўйхатга олинмаган бўлса ҳам, у расман ББС радиоси тарафидан, русларнинг расмий давлат сайтлари, масалан, inosmi.ru сайти тарафидан тан олинган. Шуларга асосланиб, ЕИ вакиллари бу семинар-тренингга “Ҳаракат” журналистларини таклиф қилишга маънавий ҳақлари бор эди. Уларга шуларни эслатишимиз лозим.
