06 May 2013
14:03 - Ўзбекистондан одамлар қочар экан, Қозоғистонга келиш истаганларнинг сони ортмоқда
Казинформ агентлигининг билдиришича, Қозоғистон фуқаролигини олиш истаётганлар сони йилдан-йилга ортиб бормоқда, дебди Давлат Котиби М.Тажин Қозоғистон Президенти қошидаги Фуқаролик масалалари бўйича комиссиянинг мажлисида. Шу сабабли мамлакат аҳолисининг ўсиши ҳам тезлашмоқда.

Комиссиянинг бугунги мажлисида Қозоғистон фуқаролигини олиш истагидаги 238 кишининг аризаси кўриб чиқилибди. Ариза берганлар ичида миллати қозоқ бўлганлардан ташқари, бошқа миллат вакиллари ҳам бор. Комиссия мажлисида фуқароликдан чиқиш бўйича берилган аризалар ҳам кўрилибди, аммо хабарда бундайларнинг сони келтирилмайди.

Қозоғистон фуқароси бўлиш учун ариза берганларнинг кўпчлиги ўзбеклар бўлса ҳайрон қолмаслик керак. Чунки, Ўзбекистонда ўртача ойлик 85 доллар, Қозоғистонда 670 доллар эканлигини билган ўзбекларнинг у ерга кетиш истаги тушунарлидир. Ўзбеклар ҳозир Ислом Карим режимининг қашшоқлигидан қочиб, Россия ва Ғарб давлатларига кетишнинг ҳар қандай йўлларидан тойишмаётгани ҳаммага маълум. Энди Қозоғистон ҳам ўзига тортмоқда.

Қизиқ, Ўзбекистон фкқароси бўлиш учун ариза бераётганлар ҳам бормикан?
« Олдинги хабар Хабарлар рўйхати Кейинги хабар »