18 January 2013
14:24 - Ўшлик ўқувчимизнинг бизнинг сафларга қандай қўшилиш ҳақидаги саволига жавоб
Исмини кўрсатмаган ўқувчимиздан бир жумлалик савол олдик: “Сизларни сафингизга қандоқ қўшилса бўлади. Акмал Ўш шаҳридан”.

Биз киммиз, биз – сиёсатчилар, ҳуқуқ ҳимоячилари, хабарчилармиз. Мақсадимиз – қирғиз фашистлари Ўзбекни тириклайин ёққанда ҳам қисиб ўтириб, миллат сифатини йўқотган ўзбеклар тўдасини қайтадан миллат қилиш, Ўзбекистонни ўзбек душманларидан иборат ҳокимиятдан қутқариш, уни кучли ва фаровон ўлкага айлантириш, ўз тарихий ерларидан сиқиб чиқарилаётган ўзбекларни ҳимоя қилиш, бутун дунё ўзбекларини бу курашга жалб этиш.

Бу иш осон иш эмас. Аммо, қилиниши шарт бўлган иш ва қиламиз. Сафларимизга қўшилиш истагини билдирган ҳар бир одамга қучоғимизни очамиз.

Исмини кўрсатмаган ўқувчимизга ҳам шуни айтамиз. Бизга қўшилиб, фаолият олдиб боришнинг шакллари кўп. Масалан, бизга ўзингиз яшайдиган Ўшдан хабарлар бериб туриш, молиявий ёрдам бериш, бизнинг ғояларимизни, энг камида борлигимизни Ўшдаги ўзбеклар, қолаверса, ҳамма ўшликларга билдириш ва бошқалар.

Сайтимизни ўқиб бораётган бўлсангиз, бизнинг ишлардан хабардорсиз. Истаган мавзуда қисқа бўлса ҳам фикрингизни ёзинг. Ўз исмингиз ёки биронта тахаллус билан сайтимизда эълон қиламиз.

Ўшдаги бўлаётган воқеалар ҳақида, ўзбекларнинг асл аҳволи ҳақида маълумот жуда кам. У ерда ўзбеклар жамияти каби ташкилотлар бўлганини айтишарди, кўринишидан, у ташкилотлар фақат қоғозда бўлган. Амалда бўлсайди, кўринган бўларди. Ўзини ўзбек жамоасининг лидерлари қилиб кўрсатишга интилганлар ўз чўнтагидан бошқа нарсани ўйламайдиганлар эканлигини билиб бўлдик. Бу ҳам ўзбек жамоаси ибтидоий савияда эканлигининг кўрсатгичидир. Ўзбекларни қайтдан ташкилотлантириш шарт.

Келинг, шу йўналишларидан бирида аввал алоқа қилайлик, кейин амалий иш.
« Олдинги хабар Хабарлар рўйхати Кейинги хабар »