27 October 2012
06:41 - Ҳомийлик ёрдамини SMS орқали жўнатиш имкониятидан фойдаланинг!
Кўриб турибсиз, “Ҳаракат” агентлиги ўзбек тилида фаолият олиб борадиган дунёдаги ягона замонавий ахборот воситасидир. Ўзбекистондаги хабар воситалари замонавий хабарчиликдан жуда узоқда. Хабарчилик – мамлакатда ва дунёда бўлаётган ҳамма пичоққа илинадиган воқеаларни халққа етказишдир. Ўзбекисондаги ахборот воситалари эса, Оқ Саройнинг рухсатисиз, худо кўрсатмасин, мамлакатнинг ярмиси йўқ бўлиб кеса ҳам хабар бермайдилар.

Ўзбекистоннинг Ялпи Ички Маҳсулоти ва Давлат Бюджети каби бугун ва келажагимизни белгилайдиган кўрсатгичларга оид рақамлар шу кунгача фақат ва фақат бизнинг агентлигимиз тарафидан эълон қилинди. Миллат ва Ватаннинг келажагини белгилайдиган воқеалар ва жамиятнинг аҳволини тушуниш учун қилинган анализларни фақат бизнинг саҳифаларда ўқий оласиз. Бизнинг анализларимиз тўғрилигини – башоратларимиз ҳар доим тўғри чиқаётганидан кўришингиз мумкин.

Аммо, ҳали хабарлар сони билан замонавий даражага чиқолмадик. Буни молиявий ёрдамсиз қилиб бўлмайди Вақти келади, жаҳоннинг ҳамма ахборот воситалари каби реклама ҳисобига яшаш даражасига ҳам келиб оламиз. Бугун эса, ўқувчиларимизнинг ёрдамига муҳтожмиз.

Ҳозир бизга ёрдамни мобиль телефон орқали SMS (Short Messaging Service – Қисқа Мессежлар Хизмати) воситасида ҳам юборишингиз мумкин. Тўғри, бу йўл билан фақат бир неча доллар пул юбориш имкони бор. Аммо, томчи-томчи кўл бўлар деганларидек, кўпчилик бу ишга қўл урса, натижа сезиларли даражада бўлади.

Пул жўнатиш учун қуйидаги қадамларни қилиш керак бўлади:

1. Бош саҳифага ўтиб, ўша ерда “SMS помощь” сўзлари ёзилган конверт расмини курсор билан босинг.

2. Чап тарафдаги чўзинчоқ тўртбурчак ичида рус тилида “язык” сўзи турган бўлса, система ИНГЛИЗ тилида ишлашга тайёрдир. Ҳа, кулманг. Айнан шундай. У ерда инглиз тилида “language” cўзи турган бўлса, система РУС тилида ишлашга тайёр. “язык” ёки “language” сўзининг ўнг томонидаги пастга қараб турган кўрсатгични (стрелкани) босиб, бошқа тилни танлашингиз мумкин.

3. Ўртадаги чўзинчоқ тўртбурчакнинг ўнг томонидаги кўрсатгични босиб, қайси мамлакатдан пул жўнатётган бўлсангиз, уни танланг.

4. Мобиль телефонингиз қайси операторга боғлиқ бўлса, ўшани танланг.

5. Жўнатмоқчи бўлган пулингизнинг миқдорини танланг. Эътибор берингки, баъзи операторларда танлаш имконингиз бўлмайди, улар белгилаган пулни жўнатасиз.

6. Шундан кейин чиққан экранда қайси адресга қайси SMS текстни юбришингиз кераклиги ёзилган. Уни жўнатсангиз, бизнинг ҳисобимизга ўзингиз кўрсатган миқдордаги пул келиб тушади. Операторлар шу пулнинг бир қисмини хизмат ҳаққи сифатида олиб қоладилар.

Бизга берадиган ёрдамингиз Миллат ва Ватаннинг келажаги учун қилинадиган ишларга сарфланади.

Ёрдамингиз учун раҳмат!
« Олдинги хабар Хабарлар рўйхати Кейинги хабар »