07 August 2012
12:49 - АҚШ олимларининг янги ғалабаси: Марсга фазовий лаборатория қўндирилди
Оғирлиги 1 тонна бўлган 6 ғилдиракли “Curiosity” (Қизиқувчи) номли аппарат якшанбадан душанбага ўтар кечаси Марсга қўнди. Бу планетга америкаликларнинг биринчи аппарати Викинг 1970 йилда қўндирилган эди. Сўнги йилларда фазовий тадқиқотлар учун ажратилаётган маблағ камлиги, ҳатто шатлл кемаларининг учиши тўхтатилгани АҚШнинг фазовий дастурлари қанчалик мувафаққиятли давом этади деган саволлар туғдирмоқда эди. Шу нуқтаи назардан “Curiosity” аппаратининг Марсга қўндирилиши яхши томонга бурилиш нуқтаси сифатида кўрилмоқда.

Ердан 566 млн км йўл босиб келган “Curiosity” аппаратини ташиган фазовий кема Марс атмосферасигасоатига 21 минг километрдан каттароқ тезликда кириб борган. Бу товушнинг тезлигидан 17 баравар кўп. Тормоз двигателлари ишга тушгач, тезлик жуда камайган ва “Curiosity” аппарати Марс юзига парашют билан туширилган.

Ҳози Марсда ўтирган лабараториянинг имкониятлари жуда катта. Унинг 12 та видеокамераси, метерология станцияси, атрофдан ҳар нарсалар олиб, уларни ҳидигача ўргана оладиган аппаратлари бор. Лабаратория Марсда ҳаёт аломатлари бор-йўқлиги текшириш керак.

Америкалик олимлар бу экасперимент натижасида Марс ҳақида кўп янги маълумотлар олиш ниятида эканликларни гапирмоқдалар.

Фазовий лабароториянинг Марсга қўндирилиши бутун дунёда, жумладан Ислом дунёсида катта қизиқиш билан кузатилмоқда. Масалан, Туркияда тиражи бўйича энг катта “Миллиёт” газетасининг ўқувчилар бу ҳақдаги хабарга ўнлаб ўта кинояли фикрлар ёзишган. Уларнинг ҳаммасини бир жумла билан шундай таърифлаш мумкин: “Биз ҳам орқада қолмаймиз, Марсга бориб мачит қурамиз”. “Мачит қуриш” сўзлари - Рамазоннинг биринчи куни Туркия Бош вазири Ражаб Эрдўғон Истанбулда янги жоме очганига ишора эканлиги ўз-ўзидан маълум.
« Олдинги хабар Хабарлар рўйхати Кейинги хабар »