18 September 2019
07:13 - Ҳақиқий хабар “Ҳаракат”да ўқилар: Эрон Саудия Арабистонидаги нефтни қайта ишлаш заводларини бомбалаганини биз хабар ҳам қилмагандик, арзимаган воқеа бўлган экан
Ўтган якшанба, яъни 15 сентябрь куни саҳарда Саудия Арабистонидаги катта нефтни қайта ишлаш заводларидан биттасининг икки нуқтаси бомбалангани, бунинг натижасида нефтнинг нархи жаҳон бозорида кескин ортгани, бомбалаш Эрон тарафидан амалга оширилгани ҳақида ўта ваҳимали хабарлар тарқала бошлади. Жаҳон бозорларида нефтнинг нархи 20 фоизга ортди, душанба куни АҚШ иқтисодиётининг кўрсатгичи бўлган Нью Йорк Фондлар Биржасининг Dow Jones индекси бироз пастга тушди. Бу воқеалар ҳақида фақат “Ҳаракат” Агентлиги ҳеч қандай хабар бермади.

Кеча 17 сентябрь куни ҳамма нарса ўз жойига қайтишга, нефтнинг нархи тушишга, Dow Jones индекси эса ортишга бошлади.

Алоҳида таъкидлаш керакки, Dow Jones индекси АҚШ-Хитой савдо уруши туфайли аввал тушишга бошлаган бўлса ҳам, оғзаки келишувлар ҳақида гаплар ўртага чиққач, бу индекс яна юксалишга бошлаб, тахминан 1 ойча аввал ўрнатилган тарихий рекордга яқинлашган эди. Агар Саудияда нефтни қайта ишлаш заводларининг бомбаланиши ваҳима қилинмаса эди, Dow Jones индекси аввалроқ янги рекорд ўрнатган бўларди.

Аммо, нефть нархининг кеча қайтадан пастга тушабошлаши натижасида, айнан кеча кечқурун 27 минг 111 га юксалган Dow Jones индекси яқин кунларда аввалги тарихий рекорд 27 минг 359 ни яна уриб, ундан ошса керак. Ана бу воқеани “Ҳаракат” Агентлиги албатта хабар қилади.