ABRORBEK DADAMIRZAYEV: “Нимани эпладиларинг ватангадолар?”

“ҲARAKAT”: Биз нима қилганимизнинг натижаларини яқинда кўришга бошлайсан, эй эси паст Abrorbek Dadamirzayev! 30 йил аввал 19 март куни тарихда биринчи марта халқимизни митингга олиб чиққанимизда, бу ҳақда гап тезда ҳаммаёққа тарқалиб кетган. “Озодлик” радиосининг ўзбек хизмати ўшанда шундай эълон берганди: “Турли миш-мишларга кўра, Тошкентда митинг бўлганмиш. Буни билган ва имкони бор бўлган ўзбекдан илтимос қиламиз, бизга қўнғироқ қилиб, хабар беринг. Ҳамма ҳаражатларини қоплаймиз.” “Озодлик” ўшанда ўз телефон номерини ҳам бир неча марта қайтариб айтганди.

Ўзбекистон Фанлар Академиясининг институтларидан бирида ишлайдиган илмий ходим мардлик қилиб, яъни қўрқмасдан, “Озодлик”нинг ўзбек хизматига телефон қилиб, воқеа тафсилотларини айтиб берган ва ўшандан кейин бир неча йил бу радионинг Ўзбекистондаги мухбири бўлиб ишлаган эди. Кейинчалик у Инсон Ҳуқуқлари “Эзгулик” Жамиятининг тузилишида ҳам иштирок этган.

У вақтлар “Озодлик”нинг ўзбекча хизмати ҳақиқий радио эди, ҳозиргидек Ўзбекистон КГБсининг (ДХХнинг) хизматкори эмасди. Кеча бўлган воқеа бу радиода эълон ҳам қилинмаган бўлса керак. Чунки, Хоразмдан йўлга чиққан “Бирлик” фаолларини Бухоро билан чегарадаги постда ушлаб олиб, мажбурлаб орқага қайтариб юборганлари, Қашқадарёдаги фаолимизнинг уйига “участковий миллиционер” 18 март куни кечаси келиб, у фаолимизни уйидан чиқармагани каби кўплаб фактларнинг ўзи катта тарих саҳифаси бўлади.

Бу воқеалар ҳақида биз ҳам ҳали хабар тарқатмадик, лекин тарқатамиз. Нима бўлганда ҳам, “Бирлик”ни жонлантириш йўналишида катта иш бошлангани аниқ. Унутмангки, Муҳаммад Пайғамбаримиз ҳам ватангадо бўлганлар, ўзлари яшайдиган Маккадан ҳайдаб чиқарилганлар, аммо Мадинада 10 йил тайёрланиб, қилич кучи билан Маккани қайтариб олганлар. Бизнинг қиличимиз – демократиядир. Унинг кучини яқинда ҳамма кўради. Тўғрироғи, кўрсатамиз!