Жаҳон ахборот воситалари АҚШ ва Шимолий Корея лидерларининг Ханойдаги учрашуви ҳеч қандай натижасиз битганини, улар кеча ваъда қилинган қандайдир келишув ҳужжатини ҳам имзоламасдан саммитни тугатганларини хабар қилмоқдалар. Доналд Трамп Шимолий Корея ўзига қарши киритилган санкцияларни бекор қилишни талаб қилганини, АҚШ эса Шимолий Корея ҳеч қандай шартсиз ядровий программаларини йўқ қилишини кутганини айтибди.

Хуллас, икки тараф келишолмадилар ва Ханойдаги саммит ҳеч қандай натижасиз тугади. Шундай бўлиши аввалдан маълум эди, аммо Доналд Трамп вахший диктатор Ким Чен Индан нималардир кутганини мутлақо тушуниб бўлмайди.

Ўзбеклар ҳам бу воқеадан ўз хулосаларини чиқаришлари керак. Ҳозирча кўриниб турибдики, Доналд Трамп Ўзбекистон диктатори Шавкат Мирзиё ўз мамлакатида буюк либерал ўзгаришлар қилишни кутмоқда, Шавкат Мирзиё ва унинг тақими айтаётган қуруқ гаплар амалий ишларга айланишига умид боғламоқда. Аммо, ҳамма нарса Ханойда бўлгани каби бўлади, АҚШ раҳбарлари Шавкат Мирзиёдан ҳам ҳеч нарса кутиб бўлмаслигини тан олиб, Россиянинг қўғирчоғи бўлган Ўзбекистондаги тожиклар режимига нисбатан реалистик сиёсат олиб бориш йўлига ўтадилар.