28 February 2019
01:51 - АҚШ ва Туркия президентларининг куёвлари – яҳудий Жаред Кушнер ва мусулмон Барот Албайроқ – Анқарада Эрдўған тарафидан учраштирилди
Туркия оммавий ахборот воситалари ўта қисқа хабар беришларича, кеча Анқарага келган Доналд Трампнинг маслаҳатчиси, айни замонда, унинг яҳудий куёви Жаред Кушнер Президент Ражаб Эрдўған билан Президент Саройида учрашган. Учрашувга Туркиянинг Ҳазина ва Молия Вазири, айни замонда, Эрдўғаннинг куёви Барот Албайроқ ҳам таклиф қилинибди. Бу уч кишининг учрашуви ҳақидаги хабарларда уларнинг расмигина берилган, холос.

Уч кишилик учрашувдан кейин, Барот Албайроқ Жаред Кушнер билан яккама-якка учрашув ўтказибди. Бу учрашув ҳақида Барот Албайроқ ўзининг Твиттер ҳисобида берган қуйидаги хабаригина бор: “Ҳурматли Президентимизнинг АҚШ Президенти жаноб Трампнинг бош маслаҳатчиси ҳурматли Жаред Кушнер билан учрашувига қатнашдик. Кейин ҳурматли Кушнер билан бошма-бош учрашувда мамлакатларимиз орасидаги иқтисодий ишбирлигини юксалтиришга қаратилган қадамларни муҳокама қилдик.”

Тамом вассалом.

Эътибор беринг, НАТО аъзоси бўлган Туркиянинг Президенти Эрдўған НАТОнинг бош душмани Владимир Путин билан оғиз-бурун ўпишмоқда, Россиядан С-400 ракеталар сотиб олмоқчи, АҚШнинг энг яқин ҳамкори Исроил билан Қуддус масаласида урушга боришгача тайёр, мана энди, Трампнинг яҳудий куёви Жаред Кушнерни ўзининг мусулмон куёви Барот Албайроқ билан боғлаб қўймоқчи. Нима ҳам дердик, жаҳон миқёсидаги масхарабозлик.

Дарвоқе, Reuters Агентлигининг хабарида айтилишича, Доналд Трампнинг маслаҳатчтси Жаред Кушнер Исроилга кетмоқда экан. Мақсади - Исроил билан Филистин ўртасидаги муаммоларни ҳал этишда Исроилга ёрдам бериш. У йўл-йўлакай туркларни масхарабозликка тортиб кетмоқчи шекилли.

Расмда - Барот Албайроқ ва Жаред Кушнер.
« Олдинги хабар Хабарлар рўйхати Кейинги хабар »