Инглизларнинг Daily Telegraph газетасига асосланиб тарқатилаётган хабарларда айтилишича, Буюкбритания Бош вазири Тереза Мэй “Кремлга яқин” деб ҳисобланадиган россиялик бизнесменларнинг 6 нафарини ўз ичига олувчи қора рўйхатни тадиқлабди. Бу рўйхатда ўзимизнинг Алишер Усмонов ҳам бор. Мана ўша 6 бизнесмен: Роман Абрамович, Игорь Сечин, Олег Дерипаска, Алишер Усмонов, ака-ука Аркадий ва Борис Ротенберглар. Бу бизнесменларнинг рўйхати Буюкбританиянинг иттифоқчилари бўлган Шимолий Америка ва Европа мамлакатларига берилармиш ва бу бизнесменларнинг фаолият доирасини ҳар томонлама қисқартирадиган санкциялар киритилармиш.

Бошқалар бизни унчалик қизиқтирмайди, аммо миллатдошимиз Алишер Усмонов бошқа масала. У Россиядан ташқари Буюкбританиянинг ҳам фақароси, Яқингача “Арсенал” футбол клуби акцияларнинг катта қисмини эгаси эди. Энди Алишер Усмонов ҳам Буюкбританиянинг қора рўйхатига киритилганидан катта зарар кўради. Бундай оғир шароитда у Ўзбекистонга ҳам катта инвестициялар киритишга қарор қилса, ўта ғариб аҳволдаги ватани ва миллатига жиддий ёрдам берган бўларди. Унинг шу пайтгача бераётган ёрдамлари садақадан бошқа нарса эмас.