Маълумки, 1954 йили Германия Демократик Республикасида, яъни Шарқий Германияда туғилган Ангела Меркел 2000 йилдан бери Христиан-Демократик Иттифоқи (ХДИ) деб аталадиган партиянинг раиси, 2005 йилдан бери Германиянинг Федерал Канцлери, яъни бу мамлакатнинг Бош вазири эди. Унинг ҳақиқий демократик мамлакатда 18 йил партия раҳбари бўлиши ва мамлакатнинг энг юксак лавозимида 13 йил ўтириши - Ангела Меркелнингн буюклиги ва халқ ичида обрўси юксаклигининг кўрсатгичидир. Унутмайликки, шу йиллар ичида у 12 марта жаҳоннинг энг кучли сиёсатчи аёли деб, 2015 йили эса “Йилнинг одами” деб тан олинган.

Аммо, сўнги йилларда унинг обрўси тушишга бошлади. Бу йил Германиянинг 2 минтақасидаги маҳаллий сайловларда ХДИ мағлубиятга учради ва янги тузилган Антимиграцион Партия ҳамма ерда юксалишга бошлади. Ваҳолангки, шу пайтгача айнан Ангела Меркел Осиё ва Африка мамлакатларидан оқиб келаётган муҳожирларга ҳамма эшикларни очиб бериш сиёсатини олиб борарди.

Бундай шароитда, у охирги ойларда ҳокимиятдан кетиши ҳақида сигналлар беришга бошлади ва партия раҳбарлигидан ҳозироқ, канцлерлик лавозимидан эса, 2021 йили, яъни муддати битгандан кейин кетишини эълон қилди.

Кеча ХДИнинг 2 кунлик қурултойи иш бошлади, Ангела Меркел истеъфога чиқишини эълон қилди, партиянинг янги раис этиб, унинг яқин одами - 1962 йили туғилган Аннегрет Крамп-Карренбауэр хоним сайланди. Тахмин қилиш қийин эмаски, нафақат Германияни, балки, бутун Европа ва бутун дунёни катта ўзгаришлар кутмоқда.

Ўзбеклар ҳам буни тушунишлари ва мамлакатни ҳозирги ғариб аҳволга солишда Шавкат Мирзиё ўзининг маънавий отаси деб эълон қилган ҳаромий Ислом Каримнинг ўнг қўли бўлганини унутмасдан, унинг истеъфосини талаб қилишлари керак. Ана ўшандагина “Бирлик” Партияси узоқ йиллардан бери айтиб келаётган фундаментал сиёсий ва иқтисодий ислоҳотларни бошлаш учун йўл очилади.

Расмда - Аннегрет Крамп-Карренбауэр ва Ангела Меркел.