28 November 2018
08:46 - Ўзбекларга яна бир ёмон хабар: Доналд Трамп General Motors компаниясига ҳужум қилмоқчи, GM-Uzbekistan нима бўлади?
АҚШ Президенти Доналд Трамп Twitter орқали АҚШдаги энг буюк компанияларидан бири бўлган General Motors қилаётган ишларга ўз муносабатини қуйидагича билдирди:

Very disappointed with General Motors and their CEO, Mary Barra, for closing plants in Ohio, Michigan and Maryland. Nothing being closed in Mexico & China. The U.S. saved General Motors, and this is the THANKS we get! We are now looking at cutting all @GM subsidies, including for electric cars. General Motors made a big China bet years ago when they built plants there (and in Mexico) - don’t think that bet is going to pay off. I am here to protect America’s Workers!

Мана жаноб Трампнинг сўзларини ўзбекча таржимаси: “General Motors ва унинг Бош Ижрочи Директори Мари Бара (Mary Barra) Охайо, Мичиган ва Мэриленд штатларидаги заводларини бекитишни режалаштираётганларидан ҳафсалам пир бўлди. Аммо, Мексика ва Хитойда ҳеч нарсани бекитишмоқчи эмас-ку. Қўшма Штатлар General Motors компаниясини (ҳалокатдан) қутқариб қолган эди, энди бизга шунақа маннатдорчилик билдиришмоқда! Ҳозир биз General Motors-га берилаётган субсидияларни (давлатнинг молиявий ёрдамини – “Ҳаракат”), электромобиллар учун ҳам, тўхтатмоқчимиз. General Motors кўп йиллар аввал Хитойда (Мексикада ҳам) заводлар қуриб, бу давлатларни буюк бўлишига ёрдам берган. Субсидияларни қайтариш керакмас деб ўйламанг. Менининг вазифам – Америкалик ишчиларни ҳимоя қилишдир.”

Ўзбеклар биладики, дейди “Ҳаракат” мухбири, General Motors Асакада бир маҳаллар Жанубий Корея қуриб берган автомобиль заводини, кореяликларнинг ширкати оғир аҳволда қолгандан кейин сотиб олди ва ҳозир GM-Ўзбекистон қўшма корхонаси мамлакатимиз иқтисодиёти учун фойдали ишлар қилмоқда. Агар, Доналд Трамп ҳозир General Motors-га берилаётган субсидияларни тўхтатиб, уни сиқиштиришга бошласа, Ўзбекистон ҳам зарар кўради. Умид қиламизки, General Motors Доналд Трамнинг гапларига қулоқ солади ва GM-Uzbekistan оғир аҳволга тушмайди.
« Олдинги хабар Хабарлар рўйхати Кейинги хабар »