28 November 2018
14:23 - Алишер Усмонов ва унинг турмуш ўртоғини Владимир Путин мукофотлади, жавоб ҳам келди: “Металлоинвест” Россия қтисодиётига 8 млрд долларлик инвестиция киритади

Россиянинг оммвий ахборот воситалари ўз президентлари спорт ва маданиятни ривожланишга катта ҳисса қўшганларнинг бир гуруҳини турли унвон ва орденлар билан мукофотлаганини эълон қилдилар. Мукофотланганлар ичида спорт соҳасини ривожлантиришда катта ишлар қилаётган ўзбек аслли миллиардер Алишер Усмонов ва унинг асли ўзбекистонлик турмуш ўртоғи Ирина Винер-Усманова ҳам бор. Владимир Путин шахсан ўзи Алишер Усмоновга “Ватан олдидаги хизматлари учун” III даражали орден, Ирина Винер-Усмановага айнан шу орденнинг II даражалисини топширди.

Алишер Усмоновдан миннатдорчилик руҳидаги сигнал дарҳол келди. Унинг “Металлоинвест” компанияси 10 йилда Россия иқтисодиётига 8 млрд доллардан кўпроқ, аниқроғи, 507 млрд рубллик инвестиция киритишини билдирди.

Эслатиб ўтамиз, тахмина 1 йил аввал АҚШнинг Reuters Агентлигига интервью берган Алишер Усмонов ўз ватани Ўзбекистонга уч турли ёрдам (маслаҳатлар, консультациялар ва ҳайрия) бериш ниятини билдириб, Ўзбекистонга инвестициялар қилиш нияти йўқлигини билдирганда, ўзбек тилидаги ягона ахборот воситаси бўлган “Ҳаракат” Агентлиги шундай таҳлил берган эди: “Алишер Усмоновда Шавкат Мирзиё бошлаётган гўёки ислоҳотларга ишонч йўқ.”

Ҳозирги таҳлилимиз шундай бўлади: “Алишер Усмоновда Владимир Путинга ишонч бор.”