04 August 2018
02:38 - Путин Қримни Россияга қўшиб олиниш куни деб ҳисолбланадиган 19 апрелни байрам кунига айлантирди
Рус ахборот воситалари хабар қилишича, кеча Президент Владимир Путин Қримни Россияга қўшиб олиш куни деб ҳисобланадиган 19 апрелни байрам куни деб эълон қилувчи қонунга имзо чекди. Бу хабарни ўқиганда биринчи ҳаёлга келадиган фикр – Россия Қримни 2014 йили феълан босиб олиб ва кейин расмиятчилик учун референдум ўтказиб, Қримни ўзига қўйшиб олган кун байрам кунига айлантирилибди-да.

Аслида, ундай эмас экан. Маълумки, бир маҳаллар Рим императорлигига қўшиб олинган Қрим 1475 йили Халифалик деб ҳам аталаган Усмонли Императорлиги тарафидан босиб олнган эди. 18 асрнинг иккинчи яримида руслар секин-аста Қримни босиб олишга бошладилар ва 1783 йил 19 апрелда Россия Императори Екатерина II Қримни, Таман оролини ва бутун Кубанни Россияга қўшиб олиш ҳақида Манифест имзолади.

Мана энди Путин ўша 19 апрелни расман Россиянинг байрами деб эълон қилибди. Яъни, 19 апрель Қрим, Таман ва Кубаннинг Россияга қўшилиш куни сифатида байрам қилинади.

Табиий, қрим татарлари ва бутун Турк Дунёси буни қабул қилмайди, бу минтақада яқин орада тинчлик бўлмайди.
« Олдинги хабар Хабарлар рўйхати Кейинги хабар »