Ўзбекистонлик мардикорлар 2017 йилда Россиядан пул жўнатиш бўйича биринчи ўринни эгаллаб, ўз ватанига 3 миллиард 902 миллион доллар жўнатишган. Мазкур рақамлар Россия Марказий Банки томонидан эълон қилинган статистикада келтирилган.

МДҲ мамлакатлари ичида пул ўтказмалари бўйича иккинчи ўринга Тожикистон жойлашган – 2017 йилда 2 миллиард 536 миллион доллар. Ундан кейинги ўринларда Қирғизистон - 2,211 миллиард доллар ва Арманистон - 1 миллиард 65 миллион доллар билан бормоқда.

Айни пайтда ўзбекистонликларда ватанларига пул жўнатишнинг яна бир имконияти яратилди. Мардикоримиз нақд рублни UzCard картасига ўтказиб, сўнгра картадаги пулни АҚШ долларига конвертация қила оладилар. Сўнгра пул ўтказмасини нақд шаклда ечиб олиш мумкин.

Бу хабар туфайли аввалроқ бўлган бир воқеани эслаш керак. Маълумки, Президент Шавкат Мирзиё 2017 йил 22 декабрда Олий Мажлисдаги гўёки оламшумул нутқида 1-2 кун аввал Олий Мажлис тарафиддан қабул қилинган 2018 йил Давлат Бюджетида камчиликлар кўплигини айтиб, уни тасдиқламаслигини билдирган, аммо 29 декабрда уни ҳеч бир ўзгаришсиз тасдиқлаган эди. Шавкат Мирзиё тасдиқлаган 2018 йил Давлат бюджети 62,229 трлн сўм, яъни 7,69 млрд доллар бўлиб, бу ўтган йилдагидан 3 бараварча кам эди. Эшитаяпсизми, бу йилга Давлат бюджетмиз аввалги йилдагидан сал кам 3 баравар кам бўлади. Аҳолиси биздан 2 баравар кам бўлган Қозоғистондан бюджетмиз 2 бараварча кам.

Қаранг, ўқувчиларимиз, Давлат Бюджети бор-йўғи 7,69 млрд доллар бўлган Ўзбекистонга ташқаридан сал кам 4 миллиард доллар пул келмоқда. Бошқа мамлакатларда (АҚШ, Туркия, Жанубий Корея ва бошқалар) мардикорлик қилаётган ўзбеклардан ҳам келаётган пулни ҳисобласак, сал кам Давлат Бюджетига тенг пул ташқаридан келмоқда.

Бу нарса, Ўзбекистонимиз мустақил давлат сифатини йўқотиб бўлганини, Шавкат Мирзиё Ўзбекистонни ўлимга олиб кетаётганининг яна бир исботидир. Агар чет элда ишлаётган ўзбек “дангасалари” бўлмаса эди, Ўзбекиcтон ўлиб бўлган бўларди. Демак, Шавкат Мирзиё ўша “дангасларга” тиз чўкиб раҳмат дейиши керак.

Айни замонда, Шакват Мирзиёда инсоний ғурур деган нарсанинг уруғи бўлсайди, бундай хабарлардан кейин дарҳол истеъфога кетиши керак эди. Ёки у ўзбеклар майдонларга чиқиб, унинг истеъфосини талаб қилишларини кутмоқдами? Қаердасиз, ЎЗБЕКЛАР?