АҚШ Давлат Котиби ёрдамчисининг биринчи ўринбосари, Давлат Департаментининг Жанубий ва Марказий Осиё бўлими раҳбари Элис Уэллс хоним шу ҳафтанинг чоршанба куни Ўзбекистонга келмоқда. У Ўзбекистон ҳукумати расмийлари билан учрашади. АҚШ Давлат Департаментининг билдиришича, элчининг Тошкент сафаридан мақсад “президент Шавкат Мирзиёев томонидан эълон қилинган ислоҳотларнинг амалга оширилиши жараёнидаги прогрессни кузатишдир”.

Маълум бўлишича, АҚШ Давлат Департаментининг мартабали мулозими ўтган куни Европа Иттифоқининг Тошкентдаги ваколатхонасида инсон ҳуқуқлари бўйича йиллик тадқиқоти натижаларини жамоатчиликка тақдим қилган Ўзбекистон Инсон Ҳуқуқлари “Эзгулик” Жамиятининг вакиллари билан ҳам учрашишни режалаштирган.

Эслатиб ўтамиз, Давлат Департаментининг Жанубий ва Марказий Осиё бўлими раҳбарининг, яъни Элис Уэллснинг ўринбосари Дэниел Розенблюм 2016-2017 йиллари икки марта Тошкентга келган, охирги келишида у Ташқи Ишлар вазири Абдулази Комил билан учрашганди.

Мартабаси бир поғона юқори бўлган Элис Уэллсни Шавкат Мирзиёнинг ўзи қабул қилиб, «“Ҳаракат” ёлғон хабарлар тарқатмоқда, биз буюк ислоҳотлар ўтказмоқдамиз», деб меҳмонни ишонтиришга ҳаракат қилса ажаб эмас.