Ўзбекистон Республикаси Президенти Шавкат Мирзиёев 8 ноябрь куни мамлакатимизга амалий ташриф билан келган Санкт-Петербург шаҳри губернатори Георгий Полтавченкони қабул қилгани ЎзАнинг хабарида айтилади.

Умумий гаплардан иборат хабарда ўзаро товар айирбошлаш ҳажми ҳозир 200 миллион долларни ташкил қилаётгани, Санкт-Петербург шаҳрида 1 миллионга яқин юртдошимиз меҳнат фаолиятини амалга ошираётгани, шаҳарнинг етакчи олий ўқув юртларида 3 мингдан зиёд ёшларимиз таълим олаётгани айтилади.

У ерда 1 миллионга яқин юртдошимиз меҳнат фаолиятини амалга ошираётгани ҳақида гапирилиши журналистларнинг хатоси бўлса керак, чунки, аҳолиси 5 млн атрофида бўлган бу шаҳарда 1 миллионга яқин ўзбекистонлик ишлаётганига ҳеч ким ишонмайди.

Аслида, Санкт-Петербург губернатори нима учун Ўзбекистонга амалий ташриф билан келганини ҳам тушуниш қийин. Балки, у Самарқанд ва Бухоро каби тарихий шаҳарларимизни кўриш учун ўз халқининг пулига туристик саёҳат қилишга келгандир.

Авввл губернатор эмас, шаҳар мэри деб аталадиган бу лавозимда ўша пайтда ўта машҳур бўлиб кетган демократ Анатролий Собчак 1991-1996 йиллари ўтиргани, бутун мэрияни коррупция ботқоғига ботиргани, ўзининг коррупционерга айланишида муҳим роль ўйнанган Владимир Путинни ўша пайтдаги президент Ельцинга тавсия қилиб, унинг президент бўлишига сабабчи бўлгани, аммо бутун мэрия коррупция ботқоғига айлангани маълум бўлиб қолгандан кейин лавозимидан кетиб, юртдан қочишга мажбур бўлганини ҳамма билади. Аммо, у уруш йиллари оиласи билан Ўзбекистонда яшагани, Ленинград мэри бўлгандан кейин дунёнинг бош диктаторларидан бири бўлган Ислом Карим билан дўстона алоқалар ўрнатганини кўпчлик билмайди.

Бокуда туғилиб, ўша ерда 7 ёшга тўлгунча, яъни ҳарбий хизматдаги отаси бошқа жойга ишга юборилгунгача яашаган Георгий Полтавченко ҳам Анатролий Собчакнинг йўлидан кетмоқчимикан?