05 July 2017
22:27 - Ўзбекистон дунёга очилмоқда: Тошкентдан Иссиқкўлга бизнинг учоқлар учишга бошлади, Ашхабоддан Тошкентга туркманларники учишга бошлайди
Хабарларга кўра, 4 июль куни «Ўзбекистон ҳаво йўллари» авиакомпанияси Тошкент-Иссиқкўл-Тошкент чартер рейсини амалга оширибди. Мазкур йўналиш бўйича чартер парвозлари 29 августга қадар ҳафтада бир марта сешанба куни Boeing-757 авиалайнерларида амалга оширилади. Бу ҳақда Қирғизистон билан аввалдан келишилган экан.

«Туркменистан» авиакомпанияси эса, йил охирига қадар Ашхобод-Тошкент-Ашхобод йўналиши бўйича авиапарвозларни йўлга қўйишни режалаштирмоқда. Рейснинг очилиши билан боғлиқ масалалар 28 ва 30 июнь кунлари Тошкентда «Ўзбекистон ҳаво йўллари» Миллий авиакомпанияси ва туркман авиаташувчиси вакиллари учрашувида муҳокама қилинибди.

Бу икки воқеа ҳам олқишга сазовор, дейди мухбиримиз. Аммо, шу пайтгача қафасда каби яшаётган ўзбекларга кенгроқ эркинликлар бериш шарт. Биринчи навбатда, дунёнинг бир нечтагина диктаторлигидагина бор бўлган “мамлакатдан чиқиш визаси” деган нарсани йўқ қилиш лозим.
« Олдинги хабар Хабарлар рўйхати Кейинги хабар »