22 February 2017
18:12 - Миллат сотқини Муҳаммад Бекжон Ислом Карим зиндонидан озод қилинди! Аммо, сотқинларни миллатнинг ўзи ҳам жазолайди
Бугун, 22 февраль куни Ўзбекистон Ички ишлар вазирлигининг Зарафшондаги 64/48-сонли жазони ижро этиш муассасасидан журналист, ўзбек миллатини 53-54 лақабли бош сотқини Салой Мадаминнинг укаси Муҳаммад Бекжон озодликка чиқарилди. Белгиланган жазо муддатининг ниҳоясига етгани сабабли озод қилинган маҳкум ўз укалари Комил ва Жуманазар тарафидан Хоразмга олиб кетилди. Муҳаммад Бекжоннинг кайфияти яхши.

Ўзбекистон Ички ишлар вазирлиги Жазони ижро этиш Бош бошқармаси маъмуриятига кўра, у жазо муддати тугаши сабабли озодликка чиқарилган. Унга нисбатан амнистия акти ёки муддатидан аввал жазо муддатининг шартлиси билан алмаштирилиши қўлланилмаган.

Эслатиб ўтамиз, ўтган йилнинг 22 июнь куни Ўзбекистон инсон ҳуқуқлари “Эзгулик” жамияти фаоллари колонияда Муҳаммад Бекжон билан учрашишган. Ўшанда Муҳаммад Бекжон озод қилинишдан умидворлигини айтганди.

Ҳақиқат кўпинча аччиқ бўлади ва ундан кўз юмиб бўлмайди, дейди мухбиримиз. Бу хабар билан боғлиқ ҳақиқат шундан иборатки, “Бирлик” Халқ Ҳаракатининг асосчиларидан бири бўлган шоир Салой Мадамин 1989 йилнинг охирида Ўзбекистонда Лубянканинг топшириғи билан тожиклар режимини ўрнатаётган Ислом Каримнинг хизматига ўтиб, “Бирлик”ни парчалашга бошчилик қилган ва ўша тожиклар режимининг оёққа туриб олишида ҳал қилувчи роль ўйнаган эди. Салой ўша сотқинлик эвазига Ўзбекистон Коммунистик партиясининг рўйхати бўйича альтернативсиз депутат қилиб қўйилгандан ташқари, Тошкент марказидан 53-54 номерли иккита квартира билан ҳам мукофотланган эди. Ўша квартиларнинг биттаси бугун 19 йиллик қамоқдан озод қилинган Муҳаммад Бекжонга текканди.

Ислом Карим бу ака-укалардан ва уларнинг атрорфидаги сотқинлардан фойдаланиб бўлгач, уларни бир тепиб улоқтирди. Муҳаммад Бекжоннинг 19 йиллик қамоқда ётиши, аслида, миллатга нисбатан қилинган сотқинлик учун жазо сифатида ҳам баҳоланиши мумкин. Аммо, вақти келади, бу икки ака-ука миллатнинг жазосини ҳам олади.

Расм “Эзгулик” жамияти фаоллари Васила Иноятова ва Абдураҳмон Ташанов Муҳаммад Бекжон билан қамоқхонада учрашган пайтда олинган.
« Олдинги хабар Хабарлар рўйхати Кейинги хабар »