Кеча Президент Ислом Карим пойтахтнинг Эски шаҳар қисмидаги бунёдкорлик ва ободонлаштириш ишлари билан танишди. Марказий ТВ орқали намойиш этилган лавҳаларга кўра, Ислом Карим Себзор даҳасида қурилган 5 дона беш қаватли уйларда меҳмон бўлди, кўприкларни кўрди. Эски шаҳардаги тошекнтлик кексалар билан учрашди. Табиий, “Оталар сўзи – ақлнинг кўзи” кўрсатуви даражасидаги насиҳатлар, замонавий давлат раҳбарига хос бўлмаган майда-чуйда гаплар акс этган кўрсатувни охиригача кўришнинг ўзи жасорат. Ислом Каримга кўра, тошкентликларнинг эндигина бағрига шамол тегмоқда.

Ўтган асрнинг 66-йилидаги зилзиладан сўнг пойтахтда Кремлнинг кўрсатмаси билан товуқ катагиджек уйлар қурилган ва энг муҳими бу уйлар токшентликларга берилмай у ёқдан келганлар (Ислом Карим мамлакатларимиз вилотларини назартда тутдими ёки Россиядан келганларни билиш қийин) эгалик қилишган. Эндиликда қурилаётган уйлар замонавийлик билан уйғун, қуёш чиқиши, шамол айланиши, миллий урф-одатлар ва зеҳният ҳисобга олинган ҳолда қурилмоқда.

Тошкентликлар Ислом Карим ва унинг буюк ишларига тасанно айтишди, дуо қилишди. ТВ лавҳаларида бунёдкорлик, қад кўтарган иморатлар олдида Ислом Каримнинг 3-4 нафар шотири ва авввалдан тайёрланган 3 тоешнтлик бобойдан бошқа ҳеч ким кўринмади.