12 August 2014
16:14 - Сенсация: Янги Халифаликнинг Халифаси Абубакир эл-Боғдодий АҚШ Сенатори МакКейин билан учрашганми?
Ироқ ва Сурия суннийларининг “Ироқ Левант Исломий Давлати” номли қуроллаган ташкилоти ўз назорати остидаги ҳудудларни Халифат деб эълон қилгани ва Абубакир эл-Боғдодий Халифа этиб тайинлангани ҳақида июнь ойининг охиридаёқ биз ҳам хабар берган эдик. Шуни айтиш керакки, Интернтдаги энциклопедияларда ҳам, хабарларда ҳам, Абубакир эл-Боғдодийни расми берилмаганди.

Шу кунларда баъзи исломий сайтларда АҚШ Сенатори, охирги президент сайловларида Барак Обамага рақиблик қилган Жон МакКейн Сурияда Башар Асадга қарши курашаётган гуруҳларнинг вакиллари билан 2013 йилдаги учрашувида олинган расм эълон қилинди, дейилади Туркияда чиқадиган “Миллиёт” газетасининг сайтида. Бу расмдага чапдан биринчи одам Абубакир эл-Боғдодий эканлиги иддао қилинаётган эмиш. Аммо, буни ҳали ҳеч ким тасдиқламабди.

Агар ростдан ҳам чапда ўтирган йигит Абубакир эл-Боғдодий бўлса, Халифамиз билан танишиб олдик деб ҳисоблайверинг. Нима учун “Халифамиз” дедикми? Чунки, уларнинг режасига кўра, 5 йилдан кейин Ўзбекистон ҳам ўша Халифалик ичида бўлади.
« Олдинги хабар Хабарлар рўйхати Кейинги хабар »