Халқ артисти Озодбек Назарбек кеча Термиздаги “Алпомиш” стадионида концерт бериши керак эди. Чипталарнинг сотилгани, концертнинг ҳаддан ортиқ реклама қилинганига қарамай у Термирга келмади. Ашулачи келмагани учун концерт бекор қилинди ва бу мухлисларнинг ғалаëнига сабаб бўлди. Концертни кутиб, кўзи қорайган оломон кечга яқин стадионга ёриб кирмоқчи бўлди ва миршаблар қаршилигига дуч келди.

“Озодлик” радиосига кўра, концерт қолдирилгани микрофон орқали эълон қилингач, оломон 10 000 сўмлик (3 АҚШ доллари) чипта пули қайтариб олиш учун кассага қараб чопган. Жароҳат олганлар, миршаблар томонидан ушлаб кетилганлар бор.

Ҳақиқий оломон кайфиятидаги юртдошларимиз бир отарчининг концертига шунча ошиқар экан, қирғиз фашистлари томонидан юзлаб миллатдошларимиз ваҳшийларча ўлдирилганига, минглаб миллатдошларимиз ҳалигача хўрланаётганига эътибор бермаётгани кишини ўйга толдиради. Миллатнинг даражаси, менталитетимиз ҳали кўп йиллар тиклана олмаслигимизни кўриб одамнинг кайфияти бузилади. “Бирлик” лидери Абдураҳим Пўлатнинг “Шундай оломонни ҳам қайтадан миллат қиламиз” демоқда, қилолмасак ҳолимиз нима бўлади, дейди мухбиримиз.

Дарвоқе, бу расмдагилар ичида Озодбек Назарбекни таниётганлар борми?