08 January 2012
13:46 - Ўқувчимиз ўлим жазоси тикланишига қарши, ўзбек миллати кўзи очилганда нима дейди?
Ўзини Германияда яшовчи Jorj uka деб танитган ўқувчимиз, Ўзбекистонда олий жазони тиклаш учун ҳаракат қилмасангиз яхши бўлар, дейди ўзининг қисқа мактубида. Адолат ва ҳақни шояд охиратда топа оласиз, аммо комил инсондан ташқари ким адолатли ҳукм содир қила олади? Комил инсон эса жаллоднинг ишини ижро этишни хоҳламоқчими ҳеч?

Ўқувчимиз мутлақо ҳақ. Инсоният секин-аста ўлим жазосидан қутилмоқда ва тўғри қилмоқда. Ўлим жазосидан қутилиш жараёни жамиятнинг ривожланиши билан мос равишда кетмоқда.

Миллат бир-бирининг тақдирига бефарқ бўлмаган инсонлар жамоасидир. Ўзбек миллати эса, миллат сифатини йўқотиш арафасига келди ёки бу сифатни йўқотиб бўлди. Чунки, ўзбек миллати ичида ривожланишнинг аксини кўрсатувчи мисоллар саҳнага чиқмоқда.

Ҳаммага маълум бир ифлос икки укасига квартира олиш, ўзи депутат бўлиш орзусида ўзбекдек миллатни узоқ йилларга қулликка маҳкум этилишига сабаб бўлди. Яқиндагина Қирғизистон жанубида бир гуруҳ қирғиз фашистлари ўзбекларни тириклайин ёқдилар, аёлларимизни тўда-тўда бўлиб зўрладилар. Ўзбекистон раҳбарияти миллатга хоинлик қилиб, бошига мусибат тушган миллатдошларимизга ёрдам бермади, 25 миллионлик ўзбек миллатинининг кўзини боғлаб, қўшни мамлакатда бўлган ўзбеклар қирғинидан хабарсиз қолдирди.

Ўзбек миллати миллат бўлиб тикланишни истаса, бундай хоинлардан қутилиши, келажакда ўртага чиқиш мумкин бўлган хоинликларнинг олдини олишни ўрганиши керак.

Жамиятимизнинг ҳозирги ривожланиш даражасида бу ишларнинг ягона йўли - миллат хоинларига нисбатан олий жазони тиклаш бўлиб қолмоқда. Аммо, бу хусусда ҳам қарорни миллат бериши керак, албатта. Ўйлаймизки, у бундай қарорни беради, чунки, бошқа йўл йўқ.

Яна бир нарсани тушуниш керакки, ҳамма нарса сиёсатчиларнинг қўлида эмас, миллат ҳақиқатни ўрганиб, ғазабга тушса, уни ҳеч ким тўхтатолмайди. Хоинларни йўқ қилиш билан чекланмасдан, уларни ўз тупроқларига кўмдирмайди, кўмилганларнинг қолдиқларини Шимолий Қирғизистонга улоқтиради.

Жаноб Jorj uka! Фараз қилинг, Ўзбекистонга ҳам ошкоролик ва сўз эркинлиги етиб келади. Албатта келади. Бир кун кечқурун миллионлаб ўзбеклар шу пайтгача билмаган ва эшитмаган воқеларини телеэкранлар орқали кўрадилар:

- Тошкент кўчаларини 1989 йилининг сентябрь-октябрь ойларида тўлдирган ўзбекларнинг “Озодлик”, “Эркинлик”, Ўзбек тили – давлат тили” дея ҳайқириб юришларини;

- Ўзбекистон меҳмонхонаси олдидаги кичкинагина майдонда ғира-шира пайтда, милиционерлар билан ўралган ҳолда митинг бўлаётгани ва ҳали ҳеч ким билмайдиган Васила Иноят исмли ёш аёл “Она тилим олган куним тўй қиламан” деб ўз шеърини ўқиётганини;

- Милиционерлар тарафидан калтакланиб, юзи қонатилган митингдаги ўзбек бобойининг “Берлинни олганман, ўлимдан қўқмайман, аммо олдин тилимни олишим керак” деган содда, аммо ҳар қандай ўзбекнининг кўзидан ёш чиқарадиган сўзлари ҳам бор кадрларни;

- Ёзувчилар Уюшмасининг мажлислар залида шавқ-завқ билан нутқ қилаётган Салой Мадаминнинг “Митинг қилиш – кўча чангитишдир” деб ўзбек миллати устидан кулиши, ўзбекнинг тарихидаги биринчи миллий ҳаракатни парчалаб, миллатга хонилик қилиши, бу хизматлари учун Ислом Каримдан икки квартира ва Коммунистик партия рўйхатидан альтернативсиз депутат қилиб қўйилганлигини кўрсатувчи ҳужжжатларни;

- Боши ёрилиб касалхонада ётган “Бирлик” лидери Абдураҳим Пўлатни АҚШ сенатори ва элчиси зиёрат қилар экан, Ўзбекистон Олий Советининг сессиясида Ислом Каримнинг “Юртнинг осойишталиги учун керак бўлса яна юз кишининг миясини тўғрилаб қўямиз” деган сўзларини;

- Салой Мадамин каби миллат хоинлари ёрдамида юртда “осойишталик” ўрнатилгандан кейин Жаслик ва бошқа қамоқхоналарда ўлдирилган юзлаб, балки минглаб бегуноҳ ўзбекларнинг қариндош-уруғлари ва бола-чақаларининг дод-фарёдини;

- Ислом Карим Салой Мадамин каби миллат хоинлари ёрдамида юртда  ўрнатган “осойишталик” йиллари Андижонда тинч аҳолининг ўққа тутилиши, юзлаб бегуноҳ ўзбекларнинг қонга ботирилишини;

- Ўзбекистонда Салой Мадамин каби миллат хоинлари ёрдамида ўрнатилган “осойишталик” ҳукмрон экан, чегараларимиздан бор-йўғи бир неча километр нарида ўзбекларнинг қирғиз фашистлари тарафидан тириклайин ёқилиши, жон-аччиғида тирик машъала бўлиб югуриб юрган ўзбекларнинг қирғизлар тарафидан қаҳқаҳалар остида тепиб йиқитилишини кўрсатувчи кадрларни, ўзбек аёлларининг тўда-тўда қирғизлар томонидан зўрланганини ҳикоя қилувчи гувоҳларни;

- Ўзбекистон раҳбарияти бу воқеаларни кўрмагандек бўлиб, миллатга хиёнат қилгани ва ўзбекларга ёрдам қўли чўзиш ўрнига, қирғиз фашистларини рағбатлантиргани ҳақидаги таҳлилларни;

- Қўлларида ёш болалари билан жон аччиғида Ўзбекистонга қочиб келган минглаб аёлларнинг, юз мингга яқин ҳимояланмаган ўзбекнинг бир кун ичида Ўзбекистондан Қирғизистонга ҳайдаб чиқарилишини кўрсатувчи кадрлар ва гувоҳларнинг гапларини.

Шундан кейин ўзбек миллати тинчгина чойини ичиб, ухлагани кетади, деган одам янглишади.

Миллат хоинларига ва уларни ҳозир оқлашга интилаётганларга Ўзбекистондан бироз олдинроқ қочиб қолишни маслаҳат бериш лозим. Аксинча, ...
« Олдинги хабар Хабарлар рўйхати Кейинги хабар »