30 June 2020
14:07 - Президент Шавкат Мирзиё Ўзбекистонда КОМСОМОЛни тиклаган эди. Энди Ўзбекистон Республикаси Коррупцияга Қарши Курашиш Агентлиги яратибди!!!
Ўзбекистонда ҳукмронлиқ қилаётган тожиклар режимининг бошлиғи – Президент Шавкат Мирзиё - кеча 29 июнда “Ўзбекистон Республикасида коррупцияга қарши курашиш тизимини такомиллаштириш бўйича қўшимча чора-тадбирлар тўғрисида” номли МАСХАРАБОЗЛИК руҳидаги фармон имзолабди.

Президент Шавкат Мирзиё бир оз аввал СССР замонида машҳур бўлган КОМСОМОЛ ташкилотини , тўғрироғи, Ўзбекистон Ёшлар Иттифоқини тиклаган эди, мана энди Президентнинг Интернетдаги порталида эълон қилинган Фармонда таъкидланишича,

- бу Агентлик коррупциянинг олдини олиш ва унга қарши курашиш соҳасида давлат сиёсатини шакллантириш ва амалга ошириш, давлат органлари, оммавий ахборот воситалари, фуқаролик жамияти институтлари ва бошқа нодавлат сектор вакилларининг биргаликдаги самарали фаолиятини таъминлаш, шунингдек, мазкур соҳадаги халқаро ҳамкорлик учун масъул бўлган махсус ваколатли давлат органи ҳисобланармиш,

- бу Агентлик ўз фаолиятини қонунийлик, холислик, ҳисобдорлик, очиқлик ва шаффофлик принциплари асосида бошқа давлат органлари, ташкилотлар ва уларнинг мансабдор шахсларидан мустақил равишда амалга оширармиш, Ўзбекистон Республикаси Президентига бўйсунармиш, Ўзбекистон Республикаси Олий Мажлиси палаталари олдида ҳисобдор эмиш.

Ўзбекистонда давлатнинг ҳамма органлари Президент Шавкат Мирзиёнинг қўғирчоқлари эканлигини эслатсак, ҳамма тушунадики, Бу Агентлик навбатдаги МАСХАРАБОЗЛИК ва балки, ШАРМАНДАЛИК идорасидир. Фармондаги ҳамма моддаларни санаб чиқсак, ҳамма ўзбекистонликлар ўтирволиб кулишлари керак бўлади.

Нима ҳам дердик, ЎРТОҚ Шавкат Мирзиё, бу фармонингиз билан Ўзбекистонда собиқ СССРнинг яна бир ташкилотини тузганингиз билан Сизни табриклаймиз. Яшасин МАСХАРАБОЗЛИК ва ШАРМАНДАЛИК! Наҳотки, бундай идоралар СССРни тиклаш йўлидаги навбатдаки қадам эканлигини ҳам тушунмайсиз?
« Олдинги хабар Хабарлар рўйхати Кейинги хабар »