23 April 2019
07:11 - Шавкат Мирзиё яна бир марта шарманда бўлди: Демократ мухолифатчи Насрулло Саййидни Ўзбекистонга киритишмади. “Ҳаракат”: Халқ майдонларга чиқиши керак!
“Озодлик” ва ББС радиосининг ўзбек хизматлари хабар беришларича, бир вақтлар “Эрк” Партиясининг Бухоро виоят ташкилоти раиси ва Ўзбекистон Олий Советининг депутати бўлган Насрулло Саййид 20 апрель куни кечқурун ўзи ҳозир мажбуран яшаётган Канададан Истанбул орқали Тошкентга етиб келганда, уни Ўзбекистонга киритшмаган ва 21 апрель куни эрталаб Истанбулга қайтариб юборишган. Бу ҳақда Насрулло Саййиднинг ўзи Истанбулдан бу радиоларга интервью берибди.

13 йилдан буён Канадада истиқомат қилаётган Насрулло Саййид Шавкат Мирзиё ҳокимиятга келгандан кейин, Ўзбекистонга қайтишга рухсат сўраб унга мурожаат қилган экан. Аммо, у жавоб олмаган бўлса ҳам, ўзи Ўзбекистон ватандошлигидан чиқариб юборилганини ўрганган. Шу сабабли у Канада ватандошлигини қабул қилиб, Канада паспорти билан Тошкентга етиб келган. Чунки, Шавкат Мирзиё имзолаган фармонга мувофиқ, 2019 йил 1 февралдан 45 та мамлакат, шу жумладан Канада фуқаролари Ўзбекистонга 30 кунлик муддатга визасиз кириш ҳаққига эгалар.

Бироқ, Тошкент халқаро аэропортидаги хавфсизлик хизматчилари ҳозир 61 ёшга кирган Насрулло Саййидни аэропортнинг совуқ ертўласида 12 соатдан кўпроқ вақт давомида ушлаб турганлар ва сўнгра яна Истанбулга парвоз қилаётган самолётга ўтказиб, ортга қайтариб юборганлар. Унинг қўлига берилган рус тилидаги актда айтилишича, Насрулло Саййидни Ўзбекистонга киритмаслик тўғрисидаги қарор "Халқаро фуқаровий авиация ҳақидаги Конвенция"нинг 9-чи иловасига асосан қабул қилинган. Чунки, шу иловада бир шахс ўзи сафар қилган ўлка хавфсизлигига таҳдид солиши мумкин бўлса, бу ўлка уни ўз ҳудудига киритмаслик ҳуқуқига эга эканлиги айтилган экан.

Мана шундан тушунаверингки, Шавкат Мирзиё Ўзбекистонда қандай шармандагарчиликларга асосланган режим яратмоқда. Насрулло Саййиддек демократ мухолифатчи Ўзбекистоннинг хавфсизлигига қандай таҳдид солиши мумкин? Ҳеч қандай. Буни ҳамма билади. Аммо, Ўзбекистондек зиндонда ҳали ҳам зиндонларга хос қонун-қоидалар ишламоқда.

Шундай экан, аввалари ҳам кўп марта айтган фикрларимизни қайтаришга мажбурмиз. Халқ майдонларга чиқиб, ҳозир Шавкат Мирзиё бошчилигида Ўзбекистонда ҳукмронлик қилаётган тожиклар режимидан ватанимизда фундаментал ислоҳотлар ўтказишни ва Ўзбекистонимизни Насрулло Саййид билан бўлган каби шармандачиликлардан қутқаришни талаб қилиши керак.
« Олдинги хабар Хабарлар рўйхати Кейинги хабар »