Тошкент вақти - 
19 February 2019
10:36 -
ЎзА: Коррупция билан қандай курашиш лозим? “Ҳаракат”: Жазолаш ўз йўлига, фақат демократия бор жойда уни минималлаштириш мумкин!
Ўзбекистонда ҳукмронлик қилаётган тожиклар режимининг бош қўғирчоқ ахборот воситаси ЎзА кеча ҳеч қандай таҳлилсиз Франция Тараққиёт Агентлигининг комплаенс масалалари бўйича юридик маслаҳатчиси, “Буюк келажак” эксперти Гулноза Муҳамедованинг катта мақоласини эълон қилди.Гулноза Муҳамедованинг узундан узоқ мақоласини анализ қилишга бошлашдан аввал, ҳамма ўқувчиларимизга, жумладан, Гулноза Муҳамедовага ҳам, жаҳон тажрибаси кўрсатиб бўлган қуйидаги ҳақиқатни айтиш лозим: Табиий, порахўр ва коррупционерлар қўлга тушганда жазоланиши керак. Аммо, коррупция ва порхўрликни таг-туги билан йўқ қилиб бўлмайди. Уни минималлаштиришнинг ягона йўли – демократиядир.
Бечора Гулноза Муҳамедова каттагина мақолласида “демократия” сўзини атайлаб ишлатмагани кўриниб турибди. У “демократик давлатларда” иборасини атайлаб ишлатмасдан, “ривожланган давлатларда” коррупция ва порхўрликка қарши кураш яхши йўлга қўйилганини урғулайди, Ўзбекистонни ҳам уларнинг изидан боришга чақиради. Уни тушуниш мумкин, у бизда демократияни ривожлантиришга урғу берса, ёмонларнинг ёмони бўлган диктаторлик давлати эканлигимизни тан олган бўларди-ку!!!
Аммо, мақоланинг юраги деса бўладиган жойи қуйидаги жумладир: “Жазо чораларининг самараси унча муҳим эмас. Коррупцияга қарши курашда асосий эътибор уни олдини олиш чораларига қаратилиши керак.”
Коррупциянинг олдини олиш чораларини санаб ўтиришни ҳам истамаймиз. Аммо, у чоралар фақат ва фақат демократик жамиятдагина ишлайди. Айнан шу сабабдан, Гулноза Муҳамедова ҳам тилга олган Transparency International ташкилоти тузган антикоррупцион рейтинглар рўйхатида Ўзбекистон охирги ўринларда туради.
Гулноза Муҳамедова тилга олмаган Freedom House ташкилоти тузган инсон эркинликлари рўйхатида ҳам Ўзбекистонимиз энг орқа ўринлардан бирида.
Хуллас, бу иккала ташкилотнинг рўйхатида охирги ўринларда туришимизнинг сабаби жуда оддий: Бизда инсон эркинликлари, яъни демократия йўқ ва шу сабабли коррупция ҳамда порхўрлик ҳаммадан кўп.
Шундай экан, авваллари ҳам кўп марта айтган фикримизни қайтаришга мажбурмиз. Халқ майдонларга чиқиб, Шавкат Мирзиё ва унинг ҳукуматидан Ўзбекистонда фундаментал сиёсий ва иқтисодий ислоҳотлар ўтказишни талаб қилиши керак. Сиёсий ислоҳотларнинг марказида Ўзбекистонни деморатиялаштириш ғояси ётиши кераклиги ҳам ўз-ўзидан маълум. Иқтисодий қолоқликдан чиқиш учун эса, тезда тўла бозор иқтисодиётига ўтиш ШАРТ.
