20 January 2019
02:34 - АҚШ Сенатори Линдсей Граҳам ҳақ, бунақа ворис шаҳзода билан Саудия қироллигининг келажаги йўқ
Reuters Агентлиги Республикачилар Партиясидан сайланган АҚШ Сенатори Линдсей Граҳам (Lindsey Graham) ўтган куни Туркия Президенти Ражаб Эрўған билан кўришгандан кейин, кеча айтган қуйидаги сўзларини келтирмоқда: “АҚШ Конгресси саудиялик журналист Жемал Кашикчининг Истанбулдаги Саудия консулхонасида ўлдирилишига алоқаси бор бўлганларга қарши санкция киритмоқчи. АҚШ ва Саудия Арабистони ўртасидаги алоқалар ворис шаҳзода Муҳаммад бин Салмон масаласи ҳал бўлмагунча тикланолмайди.”

Эслатиш керакки, Ғарб давлатлари Жемал Кашикчининг ўлдирилиши ворис шаҳзода Муҳаммад бин Салмоннинг буйруғи билан амлга оширилган деб ҳисоблашмоқда ва унинг ҳам жазоланишини исташмоқда. Жазолаш деганда, бу ворис шаҳзода кейинчалик қирол бўлолмаслиги ҳам назарда тутилмоқда.

Тан олиш керакки, Ғарб давлатлари, жумладан АҚШ Сенатори Линдсей Граҳам ҳақ. Чунки, Саудия қироли Макка ва Мадинадаги Исломнинг 1-чи ва 2-чи муқаддас жойларининг қўриқчиси деб ҳисобланади. Қотиллик қилишга буйруқ берган Муҳаммад бин Салмон отаси ўлгандан кейин қирол бўлса, бундай қиролнинг дунёда ҳеч қандай обрўси бўлмайди.

Тахмин қилиш мумкинки, бу қонли воқеа жуда кўп нарсаларни ўзгаришига асос яратади. Аввал ҳам айтганимиздек, вақти келади, Макка ва Мадина Саудия Арабистонидан ажратиб олинади ва бутун Ислом дунёсининг муқаддас минтақаси деб эълон қилинади. Бу муқаддас минтақанинг қўриқчиси Ислом Ҳамкорлик Ташкилоти бўлиши мумкин. Ўша жараёнлар доирасида Ислом динида ҳам фундаментал ислоҳотлар ўтказиш ва Ислом дини дунёвийли/секуляризм принципини тан олишига эришиш керак бўлади.

Гўёки ворис шаҳзоданинг башарасига қаранг.
« Олдинги хабар Хабарлар рўйхати Кейинги хабар »