Мамлакатимизда ҳукмронлик қилаётган тожиклар режимининг бош қўғирчоқ ахборот воситаси ЎзА хабар қилишича, Президент Шавкат Мирзиё 7 декабрь куни Ўзбекистон Конституцияси қабул қилинган куннинг 26 йиллигига бағишланган тантанали тадбирда сўзлаган нутқида “ҳар бир давлат идорасида жамоатчилик томонидан назорат қилинадиган коррупцияга қарши курашиш бўйича ўз ички дастурлари бўлиши шарт”лигини, “жамоатчиликнинг ўзи ҳам бу иллатга қарши туриши, жамиятдан буткул суғуриб ташлаши учун эскича қарашлардан воз кечиши кераклигини, таниш-билишчилик, манфаат, қинғир йўл билан топиладиган моддий бойлик каби жирканч йўллар орқали олинган даромаддан кўра имон-эътиқод билан ота-она, қариндош-уруғ, ёру биродарлар, маҳалла-кўйнинг олдида юзи ёруғ бўлиб юриш барча туйғудан олий тушунча экани қон-қонимизга сингиши лозим”лигини урғулабди.

Шавкат Мирзий “порхўрлик” сўзини ишлатмасдан, бунинг ўрнига “коррупция” ҳақида гапиришини тушуниш мумкин. Чунки, Туркия Президенти Ражаб Эрдўған Шавкат Мирзиёдан “порхўрлик” сўзини ишлатмасликни сўраган. Сабаби, турклар “пул”ни “пора” дейишларидир. Демак, “порахўрлик” сўзи туркларга ёқмайди. Аммо, порахўрлик ва коррупция синоним эмас, улар бир-бирига яқин тушунчалардир. “Порахўрлик” сўзи ўрнига “коррупция” сўзини ишлатиш аҳмоқликдир.

Аммо, бундан ҳам муҳим бўлгани, Шавкат Мирзиё 7 декабрдаги нутқида тилга олган усуллар билан порахўрлик ва коррупцияни йўқ қилиб бўлмайди. Қолавреса бундай иллатлар Оллоҳ яратган одамнинг табиатида бор, демак, уларни бутунлай йўқ қилиб бўлмайди. Уларни МИНИМАЛЛАШТИРИШнинг ягона йўли – демократиядир. Буни Ғарбнинг тажрибаси исботлаб бўлган. Бизда демократиянинг уруғи ҳам йўқ экан, порахўрлик ва коррупцияни минималлаштириб ҳам бўлмайди, Ўзбекистонимиз собиқ СССР каби порхўрлик ва коррупция ботқоғида ўлади.

Демак, авваламбор Ўзбекистонда демократияни ривожлантириш керак. “Бирлик” Партитяси ва унинг жарчиси бўлган “Ҳаракат” Агентлиги йиллардан бери Ўзбекистонда фундаментал сиёсий ва иқтисодий ислоҳотлар ўтказиш кераклиги, сиёсий ислоҳотларнинг марказида, “Бирлик” Партияси ва унинг жарчиси бўлган “Ҳаракат” Агентлиги йиллардан бери тўхтамасдан такрорлаётгандек, давлатни демократиялаштириш, қўғирчоқ Олий Мажлис ва қўғирчоқ партиялардан тозаланиш, ҳақиқий демократик мухолифат иштирокида сайловлар билан Олий Мажлисни янгилаш, ошкоралик ва сўз эркинлигига йўл бериш каби ғоялар ётади.

Фундаментал молиявий-иқтисодий ислоҳотларнинг марказида эса, тўла бозор иқтисодиётига ўтиш, биринчи навбатда, катта бойлар, яъни инвесторлар синфи яратиш йўлига Ислом Карим ва Шавкат Мирзиё жинояткорона қўйган тўсиқларни олиб ташлаш ғояси борлигини урғулаш ҳам муҳимдир.