АҚШнинг CNN телеканали кеча хабар қилишича, ўткан куни, яъни 24 август куни кечқурун, АҚШ Президенти Доналд Трамп тўсатдан ўз Давалат Котиби Майк Помпеонинг Шимолий Кореяга режалаштирилган навбатдаги ташрифини Майк Помпеога ҳам айтиб ўтирмасдан бекор қилибди. Сабаби – икки давлатнинг президентлари 2018 йил 12 июнда Сингапурда учрашганларида Шимолий Корея ядровий қурол яратишга қаратилган дастурларини тўхтатиши ҳақида келишган бўлсалар ҳам, ҳозирча Шимолий Корея ўз ваъдаларини бажармааётгани эмиш. Бироқ, бир неча соат ўтар-ўтмас, Доналд Трамп Шимолий Корея раҳбари билан яна учрашиш мақсади борлигини билдирибди.

Лекин, биз ўзбеклар учун муҳим бўлгани, Доналд Трамп диктаторлик даражаси билан Ким Чен Индан қолишмайдиган Ўзбекистон Президенти Шавкат Мирзиёга бўлган муносабатини ҳам ўзгартирмайдими? Ҳеч шубҳасиз, ўзгартиради.

Доналд Трампнинг яқинда “Бирлик” Халқ Ҳаракати Партияси раиси Абдураҳим Пўлатга йўллаган мактубида бунинг сигналлари бор. Тўғри, кўп нарса Ўзбекистон расмийларининг “Толибон” билан музокаралари қандай натижaларга олиб боришига боғлиқ, аммо америкаликлар кутаётган натижа бўлмаслиги ўз-ўзидан маълум. Бунинг устига, Шавкат Мирзиё Ўзбекистонда косметик ислоҳотлар ўтказишдан бошқа нарсани ўйламаётгани ҳам кўриниб турибди. Демак, шапалоқ ҳам келади.