01 April 2018
06:20 - Шавкат Мирзиё Ўзбекистон катта зиндон эканлигини, бизда ўртача ойлик қозоқлардан 5-10 баравар камлигини Жиззахда айтмабди, нимага?
ЎзАнинг хабарига кўра, Ўзбекистон Президенти Шавкат Мирзиё жойларда амалга оширилаётган бунёдкорлик ишлари, олиб борилаётган изчил ислоҳотлар, йирик лойиҳалар билан танишиш ва халқ билан мулоқот қилиш мақсадида 30 март куни Жиззах вилоятига ташриф буюрибди.

Хабар Шавкат Мирзиёнинг ўша кунги ташрифига алоқаси бўлмаган Жиззахдаги гўёки буюк ишларни санаб ўтиш билан бошланади. Зафаробод туманидаги нефтни қайта ишлаш заводи қурилиши юқори суръатларда давом этмоқда, хорижий инвестициялар иштирокида “Uzbekistan Peugeot Citroen Automotive” заводи бунёд этилмоқда, шиша маҳсулоти ишлаб чиқарадиган “Ming Yuan Sily industry” (Хитойники бўлса керак – “Ҳаракат”) масъулияти чекланган жамият шаклидаги корхона ишга туширилган, Жиззах шаҳрида “SILK EXPERT processing” ипак етиштириш ва қайта ишлашга ихтисослашган Ўзбекистон – Буюк Британия қўшма корхонаси бунёд этилмоқда экан.

ЎзАнинг саводсиз мухбирлари эътибор бермаган бир нуқтага биз эътибор бермоқчимиз, дейди “Ҳаракат” мухбири. Гап шундаки, юқорида санаб ўтилган корхоналар давлатники, қўшма корхоналарда Ўзбекистоннинг улуши ҳам давлатники. Яъни, Шакат Мирзиё ҳаромий отаси Ислом Каримнинг изидан бориб ва Ленин-Сталин СССРда яратган, охир-оқибатда СССРни иқтисодий ўлимга олиб келган социалистик иқтисодиётни давом эттирмоқчи ва Ўзбекистонни ўлимга судрамоқчи.

Хабарда айтилишича, Шавкат Мирзиё бир қатор янги қурилаётган ёки қурилиб бўлган давлат корхоналари, Ички ишлар бошқармаси, қандайдир поликлиниканинг ишлари билан танишган, турли қишлоқ ва маҳаллаларда одамлар билан учрашган, кейин қандайдир “Манас” (Номига қаранг (???) - “Ҳаракат”) маданият саройида халқ депутатлари Жиззах вилояти Кенгашининг навбатдан ташқари сессиясида нутқ сўзлаган (расмда), шу пайтгача Жиззах вилояти ҳокими вазифасини бажарувчи лавозимида ишлаб келаётган Эргаш Солиевни Жиззах вилояти ҳокими этиб тайинлатган.

Қисқа қилиб айтсак, дейди мухбиримиз, Шавкат Мирзиё мамлакатимизнинг ғариб аҳволидан, аниқроғи, Ўзбекистон инсон эркинликлари бўйича жаҳон давлатлари рўйхатида охиридан 2-чи ўринда эканлигинидан, яъни КАТТА ЗИНДОН эканлигимиздан, иқтисодиётимиз шунчалик дабдалаки, бизда аҳолининг ўртача ойлиги Қозоғистондан, турли маълумотларга қараганда, 5-10 баравар камлигигидан келиб чиқиб қилиниши керак бўлган фундаментал ислоҳотларни умуман тилга олмаган. Демак, у шундай ислоҳотлар қилишни, яъни мамлакатни демократиялаштиришни, қўғирчоқ Олий Мажлис ва қўғирчоқ сиёсий партиялардан қутилишни, Ўзбекистонни мустақилликка эриштирган “Бирлик” Халқ Ҳаракатининг давомчиси бўлган “Бирлик” Халқ Ҳаракати Партиясини сиёсий майдонга расман чиқаришни, Ўзбекистонни тўла бозор иқтисодиётига ўтказишни, каттта корхоналарни хусусийлаштиришни, бойлар, яъни инвесторлар синфи яратиш йўлида ўзи Ислом Карим билан биргаликда яратган ва жиноят деб баҳоласа бўладиган тўсиқларни олиб ташлашни ўйлаётгани йўқ. Демак, унинг мақсади Ўзбекистонни - СССР каби ўлдириш.

Шундай экан, ўз келажагини ўйлайдиган ўзбеклар майдонларга чиқиб, ҳозир Ўзбекистонда ҳукмронлик қилаётган тожиклар режимининг раҳбари Шавкат Мирзиёни Ўзбекистон ва Ўзбек миллатининг тақдири устида ўйлашга, Ўзбекистонда фундаментал ислоҳотлар ўтказишга зўрлашлари керак. Бошқа йўл йўқ.
« Олдинги хабар Хабарлар рўйхати Кейинги хабар »