09 January 2018
22:53 - Эй, ўзбеклар, майдонларни тўлатиш вақти келмоқда! Шавкат Мирзиёни Ўзбекистон иқтисодиётини ўлимга судраш сиёсатидан воз кечишга зўрланг!
2017 йил 27 декбрда эълон қилинган “Дунёнинг иқтисодиёти юксалмоқда, Ўзбекистонники чўкмоқда, Шавкат Мирзиё қаерда? Эй, ўзбеклар майдонларни тўлатиш вақти келмоқда!” сарлавҳали хабаримизда дунёнинг энг бой тадбиркори, “Amazon” компаниясининг эгаси Джефф Безоснинг бойлиги $100 миллиардга яқинлашгани, кейинги ўринларда бойлиги $91 млрд бўлган Microsoft компаниясининг эгаси Билл Гейтсдир, инвестор Уоррен Баффет (бойлиги $85 млрд), испаниялик тадбиркор Амансио Ортега ($75 млрд) ва “Фейсбук”нинг асосчиси Марк Цукерберг ($72 млрд) турганини билдирган эдик.

Бунун CNN Агентлиги дунё бойларнинг рўйхатини тузиш билан ҳам шуғулланадиган Bloomberg компаниясига асосланиб хабар тарқатишича, Джефф Безоснинг бойлиги 8 январда $105,1 млрд бўлибди. Шундай қилиб, Джефф Безос тарихий рекорд ўрнатибди, чунки, шу пайтгача ҳали ҳеч ким бу дунёда бундай катта бойликга эга бўлмаган экан.

Шу муносабат билан Ўзбекистон раҳбарларига тушунтириш керакки, айнан бойлар ўз мамлакатларининг иқтисодини ривожлвантиришда асосий роль ўйнайдиган ИНВЕСТОРлардир. Катта хусусий инвесторларсиз ҳар қандай давлат ўлимга кетишини СССРдек давлат исботлаб бўлди. Буни ўз вақтида тушуниб етган Хитой, коммунистик ғоянинг асосий нуқталаридан бири бўлган принципдан, яъни хусусий тадбиркорликга йўл бермаслик принципидан воз кечиб, тезлик билан дунёнинг энг ривожланган давлатлари даражасига кўтарилди.

Ўзбекистонда эса, ўзбек миллатининг бош душмани, елкамизга Лубянка тарафидан ўтқазилган тожик аслли Ислом Карим 25 йил катта тдбиркорликка йўл бермади, натижада бизда биронта бой, яъни инвестор пайдо бўлмади. Айнан шу сабабли, нафақат Ўзбекистоннинг иқтисодиёти, Ўзбекистон давлати ўлмоқда. Ислом Карим Лубянканинг топшириғи ва ёрдами билан Ўзбекистонда тожиклар режимини ўрнатиб олди, бу режимнинг мақсади – Ўзбекистон давлати ва ўзбек миллатини ўлдиришдир.

Ҳа, аҳолиси 32 миллиондан кўп бўлган Ўзбекистонда битта ҳам йирик бой, яъни инвестор йўқ. Ваҳолангки, аҳолиси биздан 2 баравар кам бўлган қўшнимиз Қозоғистонда 5 нафар доллар миллиардери, бойлиги 100 миллиондан кўпроқ, аммо миллиарддан камроқ бўлган 50 нафар (!!!) бизнесмен бор. Демак, оддийроқ миллионерлар сон-саноқсиз. Шу сабабли, ҳар қандай давлат иқтисодиётининг асосий кўрсатгичи бўлган Киши бошига Ялпи Ички Маҳсулот (ЯИМ) ҳажми бўйича Қозоғистондан тахминан 10 баравар орқадамиз. Аҳолининг ўртча ойлиги ҳам бизда қозоқлардан 10 баравар кам. Ўзбек профессорлари қозоқ дворникларидан кам маош оладилар. Сўнги 13 йил ичида ҳаромий президент Ислом Каримнинг буйруғи билан қўғирчоқ Бош вазир Шавкат Мирзиё бизни шу аҳволга солди. Ва бундан ҳам муҳими, Шавкат Мирзиё ҳаромий Ислом Каримнинг сиёсатини ҳозир ҳам давом эттирмоқда.

Эй, ўзбеклар! Кўзингизни очинг, “Бирлик” ва унинг жарчиси “Ҳаракат” сизларни митингларга чақирса, дарҳол майдонларни тўлатинг ва Ўзбекистон раҳбарларидан иқтисодиётимизни ривожлантириш йўлидага тўсиқлардан АСОСИЙСИДАН воз кечишга, яъни, катта тадбиркорликка, катта инвесторлар яратилишига ЙЎЛ ОЧИШГА ЗЎРЛАНГ. Ҳукуматни керакли ишлар қилишга зўрлаш – ХАЛҚНИНГ ҲАҚҚИ ва ВАЗИФАСИДИР.

Расмда – “Бирлик” 1989 йили уюштирган намойишлардан бирининг қатнашчилари Алишер Навоий кўчасидан кетишмоқда, озодлик ва мустақиллик талаб қилишмоқда. Қаранг, намойишчиларнинг кўплигига. Ўшанда "Бирлик" ўзбекларни шундай буюк ишларга жалб қилолган ва Ўзбекистонни мустақилликка эриштиролган эди.
« Олдинги хабар Хабарлар рўйхати Кейинги хабар »