Мамлакатдаги сўнгги ўзгаришлардан умидланиб, бугун тонгда Туркиядаги муҳожиротдан ватанига қайтган ёзувчи Нурулло Отахон (Нуруллоҳ Муҳаммад Рауфхон) Тошкент аэропортида ҳибсга олинди. Воқеа шоҳиди бўлган “Ҳаракат” мухбирига кўра, 63 яшар адиб аэропортда қўлига кишан солинган ҳолда Тошкент шаҳар Яшнобод тумани ИИБга олиб кетилди.

Унга нисбатан ўз уйида ноқонуний адабиётлар сақлаганлик эпизодлари бўйича айблов ўрганилмоқда.
Нурулло Отахон Фарғона вилояти Ўзбекистон туманидаги Ойимча Қақир қишлоғида туғилган. Тошкент Давлат университетининг ўзбек филологияси бўлимини тамомлаган. “Йўл бошида” “Дунё кенг”, “Шу ерлик киши” каби қисса ва ҳикоялар тўпламлари орқали танилган.

Фол очишни истамаймиз, аммо Нуруллоҳ Муҳаммад Рауфхон фанатик мусулмон сифатида танилгани, “Ҳаракат” тарафидан кўп марта айтилганидек, фанатиклик билан экстремизм ва ҳатто терроризм орасида фарқ бир қаричлигини ҳисобга олсак, унинг ҳибсга олиниши учун жиддий сабаблар бўлган бўлиши мумкин.