27 July 2017
22:10 - Яна бир ҳаромий ўзбек халқини боқаётган мардикорларни ҳақоратлади

Ўзбекистон Президентининг янги тайинланган Давлат маслаҳатчиси, Ёшлар Иттифоқи Марказий Кенгаши раиси Қаҳрамон Қуронбой ЎзА мухбирига интервью бериб, хорижга чиқиб кетаётган Ўзбекистон ёшларининг оилавий тарбия олмагани, шу боисдан ўзга юртларга чиқиб кетаётгани ҳақида гапирди. "Айрим ёшларнинг ноқонуний равишда хорижга чиқиб кетаётгани ва бу кўрсаткич йилдан-йилга ортиб бораётгани масаланинг моҳиятига тўлиқ етиб боролмаётганимизни кўрсатади", деб таъкидлади мардикорларимизни дангасалар дея ҳақорат қилган ҳаромий Ислом Каримнинг тартиясини олган Қаҳрамон Қуронбой.

Унга кўра, Россияга чиқиб кетаётган мардикорлар ўз оиласи ҳаётининг моддий фаровонлигини таъминлаш мақсадида эмас, уй-жойга эга бўлиш, машина сотиб олиш, замонавий уй-рўзғор анжомлари, маиший техника, мебель жиҳозлари каби унчалик муҳим бўлмаган эҳтиёжларни қоплаш учун мусофирликка йўл олмоқда. “Иккинчи жаҳон урушидан кейинги оғир синовли йиллар изтиробини чеккан, ҳатто бир бурда зоғора нонга зор яшаб, кунжара ейишгача бориб етганда ҳам одамлар бошқа жойга кетиш ҳақида ўйлаб кўрмаганлар”, дейди Қаҳрамон Қуронбой.

Мантиқни қаранг, ўхшатишни қаранг! Мамлакатимизнинг ўлаётган иқтисодини бир амаллаб оёқда тутиб туришга катта ҳисса қўшаётган мардикорларни қўллаб-қувватлаш ўрнига сафсата сотаётган бу ҳаромийнинг гапларига нима дейсиз, дейди мухбиримиз.

Яна шу ҳам шубҳасизки, Қаҳрамон Қуронбой хўжайини Шавкат Мирзиёнинг фикрларини гўёки ўз номидан эълон қилмоқда. Демак, бу йўналишда ҳам Ислом Каримнинг сиёсати давом эттирилади. Келажагимиз ҳозиргидан ҳам баттарроқ бўлади.

Демак, мухолифатнинг елкасидаги юклар ортади, холос.