11 June 2017
21:09 - АҚШда шариатга қаршилар ва қаршиларга қаршиларнинг намойишлари бўлиб ўтди, буёғи нима бўлади
Бугун АҚШнинг Нью-Йорк, Чикаго, Сиэтл ва Сан-Бернардинони ҳам ўз ичига олган 20 га яқин шаҳар ва шаҳарчаларида Шариат қонунлари бу мамлакатда ҳам тарқалишининг олдини олиш талаблари билан намойишлар ўтказилди, дейилади Associated Press агентлигининг хабарида. Намойишчилар “шариат Ғарб демократиясига мос келмаслигини" урғуладилар Эслатиш керакки, Калифорния штатидаги Сан-Бернардино шаҳарчасида 2015 йил 2 декабрда АҚШда биринчи исломий теракт бўлган ва эр-хотин мусулмоннинг пухта тайёрланган ҳужуми натижасида 14 киши отиб ўлдирилган эди.

Бугунги намойишларнинг ҳар бирида ўнлаб одам иштирок этгани билан бир қаторда, Сиэтлда намойишчларга қарши гуруҳларнинг юзлаб киши қатнашган контр-намойиши бўлгани ҳам хабарда айтилган. Қарши намойишчиларнинг мақсади - Шариатни қўллаб-қувватлаш эмас, “Сиэтилликлар мусулмон қўшнилар билан биргадирлар” шиори остида мусулмонларни маънавий қўллаб-қувватлаш бўлган. Кўп шаҳарларда полициянинг “тарқалинг” буйруғига бўйсунмаганларга қарши кўз ёшартирувчи газ ишлатган, баъзи намойишчиларни ушлаб кетган.

Бор-йўғи бир неча йила аввал АҚШда бундай намойишлар бўлиши мумкинлиги ҳеч кимнинг ҳаёлига ҳам келмаган бўларди. Ҳозир дунёда ислом терроризмининг кўлами ортиб борар экан, унга қарши фақатгина намойишлар эмас, турли анти-исломий қуролли гуруҳларнинг тузилиши, улар ИШИД қилаётган ишларнинг аксини қилиб, қўлларига тушган мусулмонни ўлдиришга бошлашлари мумкин.

Жараёнларнинг бу йўналишда кетишининг олдини олиш учун ислом терроризмини тўхтатиш керак. Ислом терроризмининг илдизлари Қуръоннинг хато тафсиридан келиб чиққан, аммо ҳозир Ислом дини тарафидан расман тан олинган тушунчаларда эканлиги туфайли, Исломда фундаментал ислоҳотлар ўтказиш ва ўша хато тушунчалардан қутилиш кераклиги ўз-ўзидан маълум. Биринчи навбатда, давлат исломий бўлолмаслиги ҳақидаги аксиомага асосланиб, Ислом дини дунёвийлик/секуляризм принципини тан олиши керак. Бошқа йўл йўқ. Акс ҳолда, Ислом динининг келажаги бўлмайди.

Расмда – намойишчиларнинг бири “Шариат – зўравонликдир” деб ёзилган плакатни кўтариб турибди. Қарши тарафда контр-намойишчилар.
« Олдинги хабар Хабарлар рўйхати Кейинги хабар »