Тошкент вақти - 
29 May 2017
20:32 -
ЕТТБ Ўзбекистонга ҳажми 1,5 миллиард долларга тенг сармоя киритмоқчи эмиш, аммо ислоҳотларсиз бундан фойда бўладими?
Ўзбекистон ҳукумати Европа Тикланиш ва Тараққиёт Банки билан бирга умумий миқдори 1,5 млрд долларга яқин бўлган қўшма лойиҳаларни ишлаб чиқмоқда. Бу ҳақда Ўзбекистон Ташқи Ишлар Вазири Абдулазиз Комил маълум қилди. Ўзбекистон Олий Мажлиси Сенатида чиқиш қилган вазирнинг таъкидлашича, Ўзбекистон ЕТТБ билан ҳамкорликни фаоллаштирмоқда.
Унинг айтишича, 1,5 млрд долларлик қўшма лойиҳалар транспорт ва коммунал инфратузилма, банк соҳаси ва кичик бизнесда амалга оширилади.
Абдулазиз Комил ўз чиқишида мамлакат иқтисодиётига сармоя оқимини тўхтатиб қўяётган омилларни ҳам тилга олибди. Хусусан, у валюта конвертацияси ва фойдани репатриация қилиш, банк-кредит тизимининг такомиллашмаганлиги, сармоядорлар ҳуқуқларининг заиф ҳимояси ва нормал суд тизимининг мавжуд эмаслиги ҳақида гапирибди. Шунингдек, инвесторларнинг эркинлигини бўғишга қаратилган маъмурий-бюрократик тўсиқларнинг кўплиги, фаолиятни амалга ошириш учун лицензия ва рухсат олиш тартибининг қийинлигини урғулабди.
Булардан ташқари, Абдулазиз Комил Ўзбекистоннинг 2017-2021 йилларга мўлжалланган ташқи сиёсий ва ташқи иқтисодий Стратегиясини таклиф қилиб, уни парламентдан тасдиқлашни сўрабди.
Вазирнинг нутқидан кўриниб турибдики, “Ҳаракат” давомли равишда гапириб келаётганидек, Ўзбекистонда ҳамма соҳаларда, жумладан иқтисод ва молия соҳаларида фундаментал ислоҳотлар ўтказиш керак. Ислоҳатларсиз, сармоя оқими тўхттаб қолишидан ташқари, бор оқимнинг фойдаси ҳам кўп бўлмайди. Сиёсий ислоҳотларсиз эса, бошқа соҳаларда жиддий ислоҳотлар қилиб бўлмайди. Аммо, буни вазиримиз тушунармикан? Президентчи?
Унинг айтишича, 1,5 млрд долларлик қўшма лойиҳалар транспорт ва коммунал инфратузилма, банк соҳаси ва кичик бизнесда амалга оширилади.
Абдулазиз Комил ўз чиқишида мамлакат иқтисодиётига сармоя оқимини тўхтатиб қўяётган омилларни ҳам тилга олибди. Хусусан, у валюта конвертацияси ва фойдани репатриация қилиш, банк-кредит тизимининг такомиллашмаганлиги, сармоядорлар ҳуқуқларининг заиф ҳимояси ва нормал суд тизимининг мавжуд эмаслиги ҳақида гапирибди. Шунингдек, инвесторларнинг эркинлигини бўғишга қаратилган маъмурий-бюрократик тўсиқларнинг кўплиги, фаолиятни амалга ошириш учун лицензия ва рухсат олиш тартибининг қийинлигини урғулабди.
Булардан ташқари, Абдулазиз Комил Ўзбекистоннинг 2017-2021 йилларга мўлжалланган ташқи сиёсий ва ташқи иқтисодий Стратегиясини таклиф қилиб, уни парламентдан тасдиқлашни сўрабди.
Вазирнинг нутқидан кўриниб турибдики, “Ҳаракат” давомли равишда гапириб келаётганидек, Ўзбекистонда ҳамма соҳаларда, жумладан иқтисод ва молия соҳаларида фундаментал ислоҳотлар ўтказиш керак. Ислоҳатларсиз, сармоя оқими тўхттаб қолишидан ташқари, бор оқимнинг фойдаси ҳам кўп бўлмайди. Сиёсий ислоҳотларсиз эса, бошқа соҳаларда жиддий ислоҳотлар қилиб бўлмайди. Аммо, буни вазиримиз тушунармикан? Президентчи?
