13 March 2017
18:45 - “Ҳаракат”нинг оғзидан чиқар-чиқмас Хитой ишга тушди: Дунё лидери бўлиш иштиёқидаги Хитойнинг армияси инновацион технологияларга ўтади
Куни кеча “Ҳаракат” Агентлигининг сайтида эълон қилинган “Россия-Туркия-Ғарб муносабатлари аянчли ва ғариб аҳволда. Ўзбекларга нима?” сарлавҳали хабар-таҳлил қуйидагича тамомланган эди:

* * * * *

Хўш, нима учун бу хабарнинг сарлавҳасига “Ўзбекларга нима?” саволини қўшдик, дейди мухбиримиз. Гап шундаки, Туркия очиқчасига исломлашиш йўлидан кетиб ва Ғарбдан узоқлашиб, Россия билан яқинлашиши узоқ вақт давом этолмайди. Чунки, Путин Эрдўғон билан вақтинча яқинлашмоқда. Стратегик яқинлашиш бўлолмайди, чунки, бундай исломий давлат билан яқинлашиш Россиядаги сунний мусулмонларни, тўғрироғи, исломий экстремист ва террористларни рағбатлантиради. Қолаверса, Россиянинг ўзи Ғарбнинг санкицяларидан бутун чиқиши савол остида. Энди Туркиянинг келажаги ҳам мавҳум бўлиб қолмоқда. Бу кетишда Туркия парчланиб кетишининг эҳтимоллиги жуда катта.

Бизга нима, деб ўйлайдиган ўзбекларга эслатиш керакки, ҳеч нарса ўзгармаса, ҳозир дунёда бўлаётган бу машмашалардан, АҚШ ва Ғарбий Европада бўлаётган ички машмашаларни ҳам ҳисобга олмоқдамиз, Хитой ғалаба билан чиқади. Россиядан қутилиб, Хитойнинг вассалига, балки, замонавий мустамлакасига айланишга тайёрланаверишимиз керакми?

Ўзбеклар, кўзингизни очинг, Ўзбекистонни ўзбек миллатининг бош душмани, тожик аслли ҳаромий Ислом Карим онгли равишда яратган яккамоховликдан чиқариб, Турк Дунёси, биринчи навбатда, Туркистонда лидерлик қиладиган, дунёнинг сиёсат майдонида кучли роль ўйнайдиган давлатга айлантириш, бунинг учун авваламбор ўзбекларнинг миллат сифатини тиклаш, чўкаётган иқтисодимизни оёққа қўйиш устида ўйланг.

* * * * *

Қаранг, кечагина дунёда бўлаётган машмашалардан Хитой ғалаба билан чиқиши, яъни дунё лидерлиги Хитойга ўтиши мумкинлигини айтган эдик. Бугун Хитой лидерликка тайёрланиш устида ўйлашга бошлабди. Мана буни ўзингиз кўринг.

Хитой парламенти – Умумхитой Халқ Вакиллари Мажлисининг навбатдаги сессияси доирасида Хитой Халқ Озодлик Армиясидан сайланган депутатлар билан айнан бугун учрашув ўтказган Хитой Раиси (хитойликлар Президентни Раис дейишади – “Ҳаракат”) Си Цзиньпин шундай дебди: “Халқ Озодлик Армияси фан ва технологияларнинг ёрдамига муҳтож. Фаннинг янгиликлари ва инновацион технологияларни армияга киритишни тезлаштириш лозим”.

Хўш, Хитой учун ташқаридан қандайдир хавф бормики, Хитой Президенти армияни тезда замонавийлаштириш ва кучайтиришни ўйлаб қолди. Йўқ, ҳеч қандай хавф йўқ. Хитой дунё лидерлигини қўлга олгандан кейин чиқиши мумкин бўлган ташқи хавфлар ва бошқа муаммолар устида ўйлашга бошлади, холос.

Бунга ўзбеклар ҳам тайёрланавериши ва тезлик билан ҳамма ерда чет тил сифатида хитой тилини ўргатиш йўлига ўтиши керак. 有没有其他的退出，让我们开始学习！Эй, кечирасиз, қўрқувдан шошиб қолиб, “На илож, қани бошлайлик” сўзларини хитойча ёзворибмиз.

Келинг, қўрқиб ўтирмайлик ва кечаги хабар-таҳлилимиздаги сўзларни қайтарайлик: “Ўзбеклар, кўзингизни очинг, Ўзбекистонни ўзбек миллатининг бош душмани, тожик аслли ҳаромий Ислом Карим онгли равишда яратган яккамоховликдан чиқариб, Турк Дунёси, биринчи навбатда, Туркистонда лидерлик қиладиган, дунёнинг сиёсат майдонида кучли роль ўйнайдиган давлатга айлантириш, бунинг учун авваламбор ўзбекларнинг миллат сифатини тиклаш, чўкаётган иқтисодимизни оёққа қўйиш устида ўйланг.”
« Олдинги хабар Хабарлар рўйхати Кейинги хабар »