07 December 2016
19:02 - Time журнали ҳам “Ҳаракат”ни тан олди: “Йилнинг Одами” унвони Доналд Трампга берилди
Ўтган йили 10 декабрдаги хабаримизда TIME журнали хато қилгани, "Йилнинг Одами" унвони Ангела Меркелга эмас, Доналд Трампга берилиши кераклигини айтган эдик. Чунки, дейилган эди хабаримизда, унинг шок терапияси усулида айтилаётган танқидий сўзлари кўпчиликка ёқмаётгани маълум. Масалан, унинг АҚШга мусулмонларни киритмаслик кераклиги ҳақидаги сўзлари бутун Ислом дунёси ва ўзини либерел деб ҳисоблайдиган Ғарб сиёсатчиларининг танқидига учради. Аммо, Доналд Трампни тўғри тушунишга ҳаракат қилиш керак. У АҚШнинг ва бутун дунёнинг портлаш нуқтасига келган муаммоларига одамларнинг эътиборини тортиш учун уринмоқда.

Ўтган йили Time журнали Ангела Меркелни "Йилнинг Одами" деб белгилар экан, иккинчи ўринга ИШИД лидери Абу Бакр Ал-Боғдодийни, учинчи ўринга эса, Доналд Трампни қўйган эди. Куласизми, йиғлайсизми?

Мана орадан бир йил ўтди, “Ҳаракат” башорат қилганидек, Доналд Трамп АҚШ президентлигига сайланди. Ваҳолангки, АҚШнинг энг обрўли газеталари Ҳиллар Клинтонни қўллаб қувватлашди, турли сўровнома натижаларида Клинтон ғалалаб қозониши аниқдек қилиб кўрсатилди. Аммо, ҳамма нарса “Бирлик” Партиясининг жарчиси бўлган “Ҳаракат” Агентлиги айтгандек бўлди.

Мана шу соатларда Time журнали 2016 йил учун “Йилнинг Одами” унвони Доналд Трампга берилганини эълон қилди. Унинг ўтган йилги танловлари устидан эса, кулиш керак, холос.

Бечора журнал бу хабарни берар экан қўйидаги ифодаларни ишлатди: “Бугун биз 90-чи марта жорийдаги йилдаги жараёнларга яхшими ёки ёмонми, фарқи йўқ, энг катта таъсир қилган кишини “Йилнинг Одами” деб эълон қилмоқдамиз”. Бу ердаги “яхшими ёки ёмонми” деган иборага қаранг.
« Олдинги хабар Хабарлар рўйхати Кейинги хабар »