Озорбайжон режимининг расмий хабарларга кўра, кеча Бокудан 25 км узоқликдаги Нардаранда Ички ишлар вазирлигининг махсус кучлари операция ўтказиб, қуролли исломчи гуруҳнинг 4 аъзосини йўқ қилганлар, 14 нафарини қўлга туширганлар. Қўлга олингалар ичида шу гуруҳнинг раҳбарлари деб айтилаётган Талеҳ Багиров, Элман Агаев, Зулфугар Микяилов ва Абулфаз Бунятовлар ҳам бор. Гуруҳ аъзолари қуролли қаршилик кўрсатиши натижасида икки полициячи ҳалок бўлган.

Талеҳ Багиров, Элман Агаев, Зулфугар Микяилов ва Абулфаз Бунятовлар "Мусулмонлар бирлиги" номли ташкилот тузишган экан. Ташкилотнинг мақсади - мавжуд режимни куч билан ағдариш ва Озобайжонда исломий давлат яратиш. "Мусулмонлар бирлиги" мамлакат бўйлаб ташкилотлашган, уларнинг қуроллари, портлатгичлари бўлган.

Демократик мухолифатга яқин бўлган ахборот воситаларида айтилишича, полиция бу гуруҳ лидерларини улар жомеда намоз қилаётган пайтда ушламоқчи бўлган, биринчи бўлиб айнан полиция ўқ отган. Юзлаб нарадаранчилар кўчаларга чиқиб норозилик билдиришган, баъзи ерларда баррикадалар қуришган. Лекин, охир оқибатда полиция у ерда тўла назоратини ўрнатган.

Эслатиб ўтиш керакки, шу йил январь ойида нардаранликлар Муҳаммад пайғамбарни ҳажвия қилувчи расмлар чиқарган французларнинг Charliу Hebdo газетасига қарши митинг ҳам ўтказган ва Франция байроғи билан биргаликда Исроил ва Арманистон байроқларини ҳам ёққан эдилар.