Аввалги хабарларимиздан маълумки, Қозоғистон президенти Нурсултон Назарбой БМТ Бош Ассамблеяси сессиясида қатнашиш учун Нью-Йоркга келиб, бу ерда умумий бойлиги 10 триллион доллар бўлган АҚШ ширкатларининг вакиллари билан учрашгани ва уларни Қозоғистонга инвестиция қилишга чақирганини олқишлaган эдик.

ЎзАнинг бугунги хабарига кўра, Ислом Каримнинг фармойишига мувофиқ Тошкентда 5-6 ноябрь кунлари халқаро инвестиция форуми бўлиб ўтармиш. Аммо, биз буни олқишламасдан, масхарабозлик деб баҳоламоқдамиз. Нима учун?

Ҳамма гап шундаки, чет эллик инвесторлар Ислом Карим каби аҳмоқ эмас. Улар биронта мамлакатга инвестиция қилишдан, инвестицияга чақирувчи йиғилишларга боришдан аввал, мамлакатдаги аҳволни ўрганишади. Аҳвол эса қуйидагича.

Ҳар қандай мамлакат иқтисодининг асосий кўрсатгичи бўлган Киши бошига Ялпи Ички Маҳсулот ҳажми бўйича, ривожланган мамлакатларни қўйиб туринг, бизнинг Ўзбекистон қўшниларимиз Қозоғистон ва Туркманистондан 8 ва 6 баравар орқада. Ўзбек профессорлари қозоқ дворникларидан кам маош олишади. Бунинг устига Ўзбекистон машҳур Фридом Хаус ташкилотига кўра, дунёнинг энг ёмон 10 та диктаторликлари рўйхатида. Бу ҳуқуқий давлат эмас, катта қамоқхона, ҳеч қандай инвестиция учун кафолат йўқ.

Шундай мамлакатга биронта жиддий инвестор келадими? Йўқ, келмайди. Инвесторларни Ўзбекистонга чақириш учун авваламбор Ислом Карим режимини йиқитиш керак. Бундан ҳам аввал миллат сифатини йўқотган ўзбекларни қайтадан миллат қилиш лозим.