16 December 2014
20:45 - Рубль тушмоқда, Россия тиз чўкмоқда: афсуски, бунинг оддий ўзбекка зарари кўп
Бугунги валюта бозори, унда Россия рубли қадрининг аянчли пастлаши ҳақида хабар қилгандик. Айни соатларда Россия оммавий ахборот воситалари ҳатто валюта алмаштирув пунктлари ўз фаолиятини тўхтатгани ҳақида хабар беришмоқда. Ҳатто бугун мамлакатнинг энг йирик банки бўлган “Сбербанк” аҳолига кредит беришни тўхтатди. Банк янги кредитлар учун буюртмалар қабул қилмаяпти, 16 декабргача бўлган буюртмаларгина ўз кучини йўқотмаган.

Ғарб санкциялари туфайли юзага келаётган мазкур вазият, 4 миллиондан ортиқ мигрантларимиз нон топаётган Россиядаги бу ҳол, афсуски, бизни қувонтирмайди. Чунки уларнинг тақдири, улар орқали юборилаётган пуллар эвазига тирикчилик қилаётган халқимизнинг аҳволи боши берк кўчага киради. Фуқароил жамияти шаклланмаган, мухолиф қарашлар синдирилган Россия Путиннинг ахмоқнона сиёсатини қўллашда давом этаркан, руслар ҳам боши берк кўчага кириши тайин.
« Олдинги хабар Хабарлар рўйхати Кейинги хабар »