Тошкент вақти - 
22 September 2014
21:32 -
Бечора Ислом Карим Путиннинг олдида ўзини оқлаш учун, Фуҳуша лақабли Гулнора қизини қамашга ҳам тайёр
Ўзбекистон Республикаси Бош прокуратураси президент Ислом Каримнинг катта қизи Гулнорага қарши жиноят иши қўзғатилиб, уни алоҳида иш юритувга олингани ҳақидаги хабар бизнинг сайтимизда ҳам шу йил 8 сентябрда эълон қилинган эди. “Ҳаракат” мухбирларининг аввал ҳам эълон қилинган фикрига кўра, Гулнора бир неча юз миллион долларлик пора олиб, русларнинг МТС ширкатининг Ўзбекистондаги бўлими “Ўздунробита”ни Швеция ва Финландиянинг қўшма қонхонаси бўлган TeliaSoneria шикатига сотиб юбориши Россиянинг хўжайини Владимир Путинни ғазабга туширди. У ўтган йили қайсибир Осиё мамлакатига кетар экан, Тошкентда бир неча соатга тўхтаб, айнан шу масалани Ислом Карим билан гаплашган эди.
Ҳеч шубҳа йўқки, айнан шу ерда Путин ғазабини Ислом Каримнинг юзига сочиб, тезда ҳамма нарсани тўғрилаш кераклиги ҳақида буйруқ берди. Ўзбекистон президенти тиз чўкиб, қизининг қилган ишлари учун кечирим сўрагани ва ҳамма нарсани тузатиш тўғрисида ваъда берган шубҳасиз.
Ҳозир у ўз ваъдаларини бажармоқда. Гулнора ўй қамоғига, унинг ҳамтовоқлари ростакам қамоқхоналарга ташланди. МТСга Ўзбекистонда қайтадан фаолият бошлаш учун рухсат берилди. Кўринишидан, Россия Гулнорани уй қамоғига ташлаш етрасиз деб сигналлар бермоқда. Ислом Карим, ўз навбатида, уй қамоғи - биринчи қадам, кейин ҳақиқийси бўлади деб жавоб сигналлари жўнатмоқда.
Айнан шу йўналишда ҳаракат қилаётган Ўзбекистон прокуратураси бугун яна хабар тарқатиб, Гулнора Каримова устидан жиноий иш очилганини такрорлади. Бу хабар Россия ахборот воситалари учун берилганди, уларнинг эътиборидан четда қолмади.
Тахмин қилиш қийин эмаски, Ислом Карим обрўсини сақлаб қолиш учун қизини қаматмайди. Аммо, Россия бизнесига ҳамма йўлларни очиб, русларни қизи атрофидаги воқеаларни унуттиришга ҳаракат қилади. Табиий, Фуҳуша ҳеч қачон аввалгиси каби “юлдуз” бўлолмайди, тинчгина шахсий ҳаёти билан овора бўлади, отасидан кейин қамалиш эҳтимоллиги эса жуда катта.
