31 August 2014
10:43 - Давлат даражасидаги масхарабозлик: Бугун Ўзбекистон мустақиллиги эълон қилган кун, аммо Мустақиллик куни эртага нишонланади
Аслида, Ўзбекистон 1925 йили мустақил давлат сифатида қурилган ва мустақил давлат сифатида СССРга кирган эди. Шундай экан, 1991 йил 31 августда СССРдан чиқиш ҳақида ҳеч нарса демасдан мустақиллик эълон қилиниши масхарабозликдан бошқа нарса эмас эди. Мустақиллик куни деб 1 сентябрь эълон қилиниши – масхарабозликнинг иккинчи қадами эди холос.

1991 йилнинг 8 декабирида СССРнинг қурувчилари Россия, Украина ва Белорусия СССРни тарқатиб юбордилар. Ўшандан кейин, ҳамма қатори, Ўзбекистон ҳам мустақил бўлиб қолди.

Масхарабозлик ва иккизламачилик давлат даражасига олиб чиқилган мамлакатнинг келажаги йўқлигини “Ҳаракат” Агентлиги йиллардан бери гапириб келмоқда. Ўзбекистондек давлатнинг Давлат Бюджети чет элда ишлайдиган мардикорлар ҳисобига оёқда турадиган ҳолга тушгани – шу каби масхарабозлик ва иккиюзламачиликларнинг натижасидир.

Ўзбек қайтадан миллат бўлишни истаса, бу масхарабозлик ва иккиюзламасиликлардан воз кечиши керак. Вақти келади, шундай бўлади ҳам.
« Олдинги хабар Хабарлар рўйхати Кейинги хабар »