30 August 2014
02:05 - Нью-Йорк фондлар бозори ҳам Путинга шапалоқ урди
Россия қўшинлари Украинага бостириб киргани ҳақида хабарлар тарқалгач, дунёнинг моливий ситемасида зилзила каби ўзгаришлар бўлиши кутилганди. Баъзи жойларда шундай бўлди ҳам. Масалан, Москва фондлар биржасининг асосий кўрсатгичи РТС 2,11% га тушди. Энди у 1193,71 га тенг.

Аммо, дунёда асосий роль ўйнайдиган Нью-Йорк фондлар бозори Путиннинг бу ўйинига эътибор ҳам бермади. Бу фондлар бозорининг асосий кўрсатгичи бўлган Dow Jones индекси кеча бироз юксалиб, 17098 да тўхтади. Бу рақам бир неча кун аввал ўрнатилган тарихий рекорддан, яъни 17153 дан бир оз паст холос.

Хулоса шундан иборатки, Россия қўшинларининг Украинага олиб кирилиши жаҳон миқёсидаги катта воқеа, аммо паникага ўрин йўқ, чунки, ҳамма нарса Путиннинг мағлубияти билан тугашини, ”Ҳаракат” Агентлиги билан бирликда, Нью-Йорк фондлар бозори ҳам очиқча айтмоқда.

Шу сабабали, аввалари ҳам айтган фикримизни яна такрорлаймиз.

АҚШда ишлаётган ўзбеклар фондлар бозорида кетаётган жараёнлар билан қизиқишлари, қўл билан ушлаб бўлмайдиган, кўзга кўринмайдиган Dow Jones каби индекслар билан яшашни ўрганишлари, пулларини фақат банкларда эмас, фондлар бозорининг акцияларида ҳам сақлашни ўрганишлари лозим.

Ўзбекистондаги ота-оналарга ёрдам бериш шарт, аммо у ерга ортиқча пул юбориш ўзбекларнинг душмани бўлган мавжуд режимга хизмат қилиш ва пулни сувга оқизишдир. Ўзбеклар АҚШда ҳам ош ейиш ва Ўзбекистонга пул юборишдан ташқари, бу ерда пул йиғиб, кичкина бўлса ҳам ўз бизнесларини очиш устида ўйласалар фойдали бўлади.

Айнан шундай одамлардан кейинчалик катта бизнесменлар чиқади. Ана ундан кейин Ўзбекистонда ҳам бизнес очишни ўйлаш мумкин. Акс ҳолда, Американи ҳам мардикорлар билан тўлатиб юраверамиз.
« Олдинги хабар Хабарлар рўйхати Кейинги хабар »